அப்ளையன்ஸ் மேம்படுத்தும் நாட்கள்- அதிகம் விற்பனையாகும் ஏசிகள் மற்றும் பிரிட்ஜ் இல் 50% வரை தள்ளுபடி கிடைக்கும்
சூது கவ்வும் படம் புகழ் நலன் குமாரசாமி இயக்கத்தில் நடிக்க ஒப்புக் கொண்டிருக்கிறார் கார்த்தி. அந்த படத்தை ஸ்டுடியோ கிரீன் நிறுவனம் தயாரிக்க உள்ளது. கார்த்தி படத்திற்கு சந்தோஷ் நாராயணன் இசையமைக்கவிருக்கிறார்.
அந்த படத்தில் கார்த்திக்கு ஜோடியாக காயத்ரி பரத்வாஜ் நடிக்கிறார் என்று கூறப்பட்டது. இந்நிலையில் அவர் கார்த்தி படத்தில் இருந்து விலகிவிட்டாராம்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
காயத்ரி விலகியதை அடுத்து தெலுங்கில் அசுர வேகத்தில் வளர்ந்து வரும் க்ரித்தி ஷெட்டியை ஒப்பந்தம் செய்திருக்கிறார்களாம். பாலா இயக்கத்தில் சூர்யா நடித்து வந்த வணங்கான் படத்தில் அவருக்கு ஜோடியாக நடித்து வந்தார் க்ரித்தி ஷெட்டி.
எனக்கு பிடித்த நடிகர் சூர்யாவுடன் சேர்ந்து நடிப்பதில் மிகவும் மகிழ்ச்சி என்றார். ஆனால் அந்த படம் கைவிடப்பட்டது.
சூர்யாவுடன் நடிக்க முடியாமல் போன நிலையில் அவரின் தம்பி கார்த்தியுடன் சேர்ந்து நடிக்கவிருக்கிறார் க்ரித்தி ஷெட்டி. ரொம்ப ராசியான ஹீரோயின் என தெலுங்கு திரையிலகில் பெயர் எடுத்திருக்கிறார். அவர் ராசி கார்த்தி படத்திற்கும் கை கொடுக்கும் என நம்பப்படுகிறது.
க்ரித்தி ஷெட்டி தற்போது வெங்கட் பிரபு இயக்கத்தில் நாக சைதன்யா நடித்திருக்கும் கஸ்டடி படத்தில் நடித்துள்ளார். அந்த படம் தெலுங்கு மட்டும் அல்லாமல் தமிழிலும் ரிலீஸாகிறது. முதல் சிங்கிளை வெளியிட வெங்கட் பிரபு கைது என்று ஒரு பலே ப்ரொமோ வீடியோவை வெளியிட்டு ரசிகர்களை அதிர்ச்சி அடைய வைத்தார்கள்.
Venkat Prabhu:வெங்கட் பிரபு கைது, சிறையில் அடைப்பு: ஏப்ரல் 10ல் ரிலீஸ்
கார்த்தி தற்போது பொன்னியின் செல்வன் 2 படத்தின் ரிலீஸுக்காக காத்திருக்கிறார். மணிரத்னம் இயக்கியிருக்கும் பொன்னியின் செல்வன் படம் ஏப்ரல் 28ம் தேதி தியேட்டர்களில் ரிலீஸாக உள்ளது. அந்த படத்தில் வந்தியத்தேவனாக நடித்திருக்கிறார் கார்த்தி.
ராஜு முருகன் இயக்கத்தில் ஜப்பான் படத்தில் நடித்துக் கொண்டிருக்கிறார் கார்த்தி. ராஜு முருகன் என்றாலே வித்தியாசமாக படம் எடுப்பார். அதனால் கார்த்தியின் படம் நிச்சயம் வித்தியாசமானதாகத் தான் இருக்கும் என்பதில் சந்தேகமே இல்லை.
ஜப்பான் படத்தை தீபாவளி பண்டிகை ஸ்பெஷலாக ரிலீஸ் செய்ய திட்டமிட்டுள்ளனர். ஆனால் இந்த தீபாவளிக்கு ஜப்பான் தனியாக வரவில்லை. தனுஷின் கேப்டன் மில்லரும், சிவகார்த்திகேயனின் அயலான் படமும் தீபாவளி ஸ்பெஷலாக ரிலீஸாக உள்ளன.
பிற நடிகர்களின் படங்களுடன் கார்த்தி படம் வந்தால் அதன் வசூல் பாதிக்கப்படாது. அந்த தைரியத்தில் தான் படத்தை ரிலீஸ் செய்கிறார்கள். எந்த படத்தின் கதை நன்றாக இருக்கிறதோ அது வெற்றி பெறப் போகிறது என்பது குறிப்பிடத்தக்கது.
முன்னதாக தளபதி விஜய்யின் பிகில் படத்துடன் கார்த்தியின் கைதி படம் ரிலீஸானது. கார்த்திக்கு நேரமே சரியில்லை. இல்லை என்றால் விஜய் படத்துடன் போய் தன் படத்தை ரிலீஸ் செய்ய சம்மதித்திருப்பாரா?. ஹீரோயினே இல்லாத படம், பாட்டும் இல்லை, குத்துப் பாட்டும் இல்லை.
கைதிலாம் பிகிலுக்கு முன்பு நிற்க முடியுமா என்று பேசினார்கள். ஆனால் பிகிலுடன் வந்து சூப்பர் டூப்பர் ஹிட்டானது கைதி. அதை பார்த்தவர்களோ, அப்பப்பா, விஜய் படத்துடன் வந்து ஜெயித்துவிட்டாரே கார்த்தி என பாராட்டினார்கள்.
Vijay: சூப்பர் ஹிட் பட ரீமேக்கில் நடிக்கும் விஜய் மகன், விஜய் சேதுபதி ‘மகள்’?
விஜய்யின் மகன் ஜேசன் சஞ்சய்க்கு ஜோடியாக உப்பேனா ரீமேக்கில் க்ரித்தி ஷெட்டி நடிப்பார் என தகவல் வெளியானது. ஆனால் அது உறுதி செய்யப்படவில்லை. இந்நிலையில் கார்த்திக்கு ஜோடியாகிவிட்டார் க்ரித்தி.