அப்ளையன்ஸ் மேம்படுத்தும் நாட்கள்- அதிகம் விற்பனையாகும் ஏசிகள் மற்றும் பிரிட்ஜ் இல் 50% வரை தள்ளுபடி கிடைக்கும்
குணசேகர் இயக்கத்தில் சமந்தா, தேவ் மோகன் உள்ளிட்டோர் நடித்திருக்கும் சாகுந்தலம் படம் ஏப்ரல் 14ம் தேதி அதாவது நாளை தியேட்டர்களில் ரிலீஸாகவிருக்கிறது. தெலுங்கு தவிர்த்து தமிழ், கன்னடம், மலையாளம், இந்தி ஆகிய மொழிகளில் சாகுந்தலம் படத்தை ரிலீஸ் செய்கிறார்கள்.
Samantha: நடிகர் தேவ்மோகனுடன் காவல் தெய்வமான பெத்தம்மா கோவிலுக்கு சென்ற சமந்தா
இதனால் பல்வேறு நகரங்களுக்கு சென்று விளம்பர நிகழ்ச்சிகளில் கலந்து கொண்டு வந்தார் சமந்தா. மேலும் படம் தொடர்பாக தொடர்ந்து பேட்டிகளும் கொடுத்து வந்தார். இந்நிலையில் நேற்று மாலை நடந்த விளம்பர நிகழ்ச்சியில் சமந்தாவால் கலந்து கொள்ள முடியவில்லை.
இது குறித்து அவர் ட்விட்டரில் கூறியிருப்பதாவது,
இந்த வாரம் முழுவதும் என் படத்தை விளம்பரம் செய்து உங்கள் அன்பின் நனைந்ததில் சந்தோஷமாக இருந்தேன். ஆனால் துரதிர்ஷ்டவசமாக ஓயாது விளம்பரம் செய்ததில் தற்போது எனக்கு காய்ச்சல் ஏற்பட்டிருக்கிறது. மேலும் என் வாய்ஸ் போய்விட்டது என தெரிவித்துள்ளார்.
சமந்தாவின் ட்வீட்டை பார்த்த ரசிகர்கள் கவலை அடைந்துள்ளனர். ஏற்கனவே உடம்புக்கு முடியாத நிலையில் தற்போது காய்ச்சல் வேறா, பத்திரம் சம்மு. ஆரோக்கியமாக இருந்தால் தான் வேலை செய்ய முடியும் என அறிவுரை வழங்கியிருக்கிறார்கள்.
சாகுந்தலம் பட விளம்பர நிகழ்ச்சிகளின் போது தன் காதல் திருமணம் விவாகரத்தில் முடிந்தது பற்றி பேசினார் சமந்தா. தான் சின்சியராக இருந்துமே திருமண வாழ்க்கை இப்படியாகிவிட்டது என்றார். மேலும் தன் வாழ்வில் நடந்த எதையும் மறக்க விரும்பவில்லை என்றும், அனைத்து அனுபவங்களும் பாடம் கற்றுக் கொடுத்ததாகவும் தெரிவித்தார்.
சாகுந்தலம் தவிர்த்து சமந்தாவின் சிடாடல் வெப்தொடர் ஏப்ரல் 28ம் தேதி அமேசான் பிரைமில் ரிலீஸாகவிருக்கிறது. ராஜ் மற்றும் டி.கே. இயக்கியிருக்கும் சிடாடல் தொடரில் பாலிவுட் நடிகர் வருண் தவானும், சமந்தாவும் உளவாளிகளாக நடித்துள்ளனர்.
சிடாடல் தொடரில் ஆக்ஷன் காட்சிகள் அதிகம். இருந்தாலும் டூப் போட மாட்டேன் என அடம்பிடித்து நடித்திருக்கிறார் சமந்தா.
சிடாடல் தொடரில் நடித்தபோது சமந்தாவுக்கு காயம் ஏற்பட்டது. இருப்பினும் அதை எல்லாம் பொருட்படுத்தாது நடித்திருக்கிறார்.
சிடாடல் பற்றி சமந்தா கூறியதாவது,
சிடாடலில் நிறைய ஆக்ஷன் உள்ளது. அண்மையில் சில ஆக்ஷன் காட்சிகளை ஷூட் செய்தோம். அதை அனைவரும் பார்க்க காத்துக் கொண்டிருக்கிறோம். உடல்நல பிரச்சனை இருக்கின்ற போதிலும் சிடாடலில் நான் ஆக்ஷன் காட்சிகளில் நடித்ததில் மகிழ்ச்சி. அனைவரும் பொறுமையாகவும், அன்பாகவும் இருக்கிறார்கள். அதற்கு நான் நன்றிக்கடன் பட்டிருக்கிறேன்.
வருண் தவான் ஒரு அருமையான சக நடிகர். ரொம்ப நல்ல மனிதர். அவருடன் சேர்ந்து நடித்ததில் மகிழ்ச்சி. இந்த காட்சி அருமையாக வந்திருக்கிறது என்று நாங்கள் சொல்லிக்கொள்வோம். நானும் அப்படித் தான் உணர்ந்தேன் என்பார் என்றார்.
சமந்தாவை அடுத்து பிரபல வாரிசு நடிகருக்கும் அரிய வகை நோய்: ரசிகர்கள் ஆறுதல்
வருண் தவானும், சமந்தாவும் சேர்ந்து நடித்திருப்பது இதுவே முதல் முறையாகும். தனக்கு மயோசிடிஸ் எனும் அரிய வகை நோய் இருப்பதாக சமந்தா சமூக வலைதளத்தில் அறிவித்தார். இதையடுத்து தனக்கும் ஒரு அரிய வகை நோய் இருப்பதாக வருண் தவான் தெரிவித்தார் என்பது குறிப்பிடத்தக்கது.