திமுக குடும்பத்தினர் மற்றும் அமைச்சர்களின் தற்போதைய சொத்து மதிப்பு மொத்தமாக ஒரு லட்சத்து 34 ஆயிரத்து 317 கோடி ரூபாய் இருப்பதாக தமிழக பாஜக தலைவர் அண்ணாமலை கூறியுள்ளார். ‘DMK Files’ என்று முதல் பகுதி வீடியோவை வெளியிட்டுள்ள அண்ணாமலை திமுகவின் முக்கிய நபர்களின் நிறுவனங்கள், சொகுசு கார்கள், சொந்தமான இடங்கள், பொருட்கள் உள்ளிட்ட விவரங்கள் அந்த வீடியோவில் காட்டப்பட்டுள்ளன.
இந்த நிலையில், அண்ணாமலையின் ரபேல் வாட்ச் பில் மற்றும் அவரது சொந்த செலவினங்களை குறித்து திமுகவினர் விமர்சித்து வருகின்றனர். ஒரு மாநிலத்தின் ஆளுங்கட்சியை குறித்து அண்ணாமலை வெளியிட்டுள்ள சொத்து விவர விவகாரம் இன்று ஹாட் டாப்பிக்காக மாறியுள்ளது. இதை திசை திருப்ப திமுக ஐடி விங் ”அரசியல்கோமாளி_அண்ணாமலை” என்ற ஹேஷ் டேகை ட்ரெண்ட் செய்து வருகிறது.
இந்த நிலையில் இதற்கும் ஒரு படி மேல சென்று அண்ணாமலையை திமுகவின் மாணவரணி துணை செயலாளர் முத்தரசன் மிக மோசமாக விமர்சித்து ட்வீட் போட்டிருப்பது முகசுளிக்க வைத்துள்ளது. இன்று தனது வாட்ச் விலையை தெரிவித்த அண்ணாமலை,
”எனது ரபேல் வாட்சின் உண்மையான ஓனர் கோவையை சேர்ந்த சேரலாதன் ராமகிருஷ்ணன். அவரை இரண்டு ஆண்டுகளாக எனக்கு தெரியும். இந்த வாட்சை 3 லட்ச ரூபாய்க்கு அவரிடம் இருந்து வாங்கியுள்ளேன் என கூறினார். மேலும், எனது வீட்டு வாடகை, ஊழியர்கள் சம்பளம், காருக்கு பெட்ரோல் எல்லாவற்றையும் நண்பர்கள்தான் தருகிறார்கள்” என்றும் தெரிவித்தார்.
இதனை கடுமையாக விமர்சித்துள்ள திமுக மாணவரணி துணை செயலாளர் முத்தரசன்,
”வீட்டு வாடகை – நண்பர்கள் தருகிறார்கள்
3 உதவியாளர்கள் சம்பளம் – நண்பர்கள் தருகிறார்கள்
பெட்ரோல் , டீசல் – நண்பர்கள் தருகிறார்கள்
போட்டுக்க துணி – நண்பர்கள் தருகிறார்கள்
மூன்று வேலை சாப்பாடு – நண்பர்கள் தருகிறார்கள்
கைல கட்டி இருக்க கடிகாரம் – நண்பர்கள் தருகிறார்கள்
குடும்பமாவது நீ தான் நடத்துறியா? ”
என்று அண்ணாமலையை தனிப்பட்ட முறையில் தாக்கி பதிவிட்டுள்ளார்.
திமுகவினருக்கு எதிராக கருத்து தெரிவிக்கும் பெண்களை உடன்பிறப்புகள் பலர் சமூக வலைத்தளங்களில் மிக கொச்சையாக பேசுவது வாடிக்கையாக உள்ளது. அதற்காக அவர்கள் மேல் கட்சி தலைமை நடவடிக்கையும் எடுப்பதில்லை என்ற குற்றச்சாட்டும் இருந்து வருகிறது. கருத்து மோதல், எதிர்வினை என்ற பெயரில் சம்மந்தப்பட்ட பெண்ணை வேறொருவருடன் தொடர்புபடுத்தி பேசி வீண் பிரச்சாரம் செய்து வருகின்றனர். அந்த வகையில், பாஜக மாநில தலைவர் அண்ணாமலையை குடும்பமாவது நீ நடத்துறியா என்று திமுகவின் மாணவரணி நிர்வாகி விமர்சித்திருப்பது முகசுளிக்க வைத்துள்ளது.