மீண்டும் தள்ளிபோன தமிழரசன் படம்
பாபு யோகேஸ்வரன் இயக்கத்தில் நடிகர் விஜய் ஆண்டனி நடிப்பில் உருவாகியுள்ள திரைப்படம் தமிழரசன். ரம்யா நம்பீசன், சோனு சூட், சுரேஷ்கோபி, ராதாரவி, யோகி பாபு, சங்கீதா, கஸ்தூரி, ரோபோ சங்கர், சாயாசிங், மதுமிதா, ஒய்.ஜி.மகேந்திரன், சென்ட்ராயன், கும்கி அஸ்வின், முனீஸ்காந்த் ஆகியோர் முக்கிய கதாபாத்திரத்தில் நடித்துள்ளார்கள். இளையராஜா இசை அமைத்துள்ளார். எஸ்.என்.எஸ். மூவீஸ் தயாரித்துள்ளது.
கடந்தாண்டே ரிலீசுக்கு தயாரான இப்படம் பல ரிலீஸ் தேதிகள் அறிவித்தும் வெளியாகாமல் தள்ளி சென்றது. கடைசியாக நேற்று ஏப்ரல் 14 அன்று திரையரங்குகளில் வெளியாகும் என அறிவித்தனர். ஆனால் இந்த முறையும் வெளியாகவில்லை. அதற்கு பதிலாக இன்னொரு புதிய ரிலீஸ் தேதியை போஸ்டருடன் அறிவித்துள்ளனர். அதன்படி இப்படம் அடுத்தவாரம் ஏப்ரல் 21ம் தேதி வெளியாகும் என அறிவித்துள்ளனர். இந்த முறையாவது ரிலீஸாகிவிடுமா…