சிவகார்த்திகேயன் ரசிகர்களின் மிகப்பெரிய எதிர்பார்ப்புகளுக்கு மத்தியில் உருவாகி வரும் படம் ‘மாவீரன்’. இவர் நடிப்பில் கடைசியாக வெளியாக ‘பிரின்ஸ்’ படம் படுதோல்வி அடைந்த நிலையில் ‘மாவீரன்’ படத்தை மலைப்போல் நம்பி காத்திருக்கிறார் சிவகார்த்திகேயன். இந்நிலையில் இந்தப்படத்தின் புதிய போஸ்டர் வெளியாகி சோஷியல் மீடியாவில் வைரலாகி வருகிறது.
ஏப்ரல் 14 முதல் 17 வரையிலான பிளாக்பஸ்டர் Value Days- வீடு, சமையலறை மற்றும் கோடைகால உபகரணங்களுக்கான அற்புதமான சலுகைகளைப் பெறுங்கள்.
சின்னத்திரையில் இருந்து வெள்ளித்திரைக்குள் நுழைந்து கோலோச்சி வருபவர் சிவகார்த்திகேயன். தமிழ் சினிமாவில் தற்போது வளர்ந்த நடிகராக திகழும் இவருக்கென தனியொரு ரசிகர்கள் பட்டாளம் உள்ளது. கடந்தாண்டு இவரது நடிப்பில் டான், பிரின்ஸ் படங்கள் வெளியானது. இதில் அறிமுக இயக்குனர் சிபி சக்கரவர்த்தி நடிப்பில் வெளியான ‘டான்’ 100 கோடி வரை வசூலித்து சாதனை படைத்தது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இதனையடுத்து தமிழ், தெலுங்கு மொழியில் அனுதீப் இயக்கிய ‘பிரின்ஸ்’ படத்தில் நடித்தார். சிவகார்த்திகேயனின் தீபாவளி வெளியீடாக ரிலீசான இந்தப்படம் ஒரே வாரத்தில் பல திரையரங்குகளில் இருந்து தூக்கப்பட்டு ரசிகர்கள் மத்தியில் கடும் அதிர்ச்சியை அளித்தது. ‘பிரின்ஸ்’ படத்தை தொடர்ந்து தற்போது ‘மாவீரன்’ படத்தில் நடித்து வருகிறார் சிவகார்த்திகேயன்.
யோகி பாபு நடிப்பில் வெளியான ‘மண்டேலா’ படம் மூலம் ரசிகர்களின் கவனம் ஈர்த்த மடோன் அஸ்வின் இயக்கத்தில் நடித்து வருகிறார் சிவகார்த்திகேயன். இதன் படப்பிடிப்பு பூஜையுடன் துவங்கி கடந்த சில மாதங்களாகவே விறுவிறுப்பாக நடந்து வருகிறது. ‘பிரின்ஸ்’ படத்தின் படு தோல்வியால் ‘மாவீரன்’ படத்தை எப்படியாவது ஹிட்டாக்கி விட வேண்டும் என்ற முனைப்போடு செயல்பட்டு வருகிறார் சிவகார்த்திகேயன்.
ரோபோ சங்கருக்கு என்னதான் பிரச்சனை: தீயாய் பரவும் புகைப்படத்தால் அதிர்ச்சியான ரசிகர்கள்.!
முன்னதாக ‘மாவீரன்’ படத்தின் முதல் சிங்கிள் கடந்த சிவகார்த்திகேயன் பிறந்த நாளன்று வெளியாகி ரசிகர்கள் மத்தியில் அமோக வரவேற்பை பெற்றது. இதனையடுத்து தற்போது நேற்றைய தினம் சித்திரை திருநாளை முன்னிட்டு ‘மாவீரன்’ படத்தின் புதிய போஸ்டர் வெளியாகி இணையத்தில் வைரலாகி வருகிறது. நெற்றியில் திருநீறுடன் சிவகார்த்திகேயன் சாந்தமாக இருக்கும் புதிய போஸ்டர் சோஷியல் மீடியாவில் வைரலாகி வருகிறது.
Leo: ‘விக்ரம்’ பட நடிகரை களமிறக்கிய லோகேஷ்: எல்சியூவில் இணையும் ‘லியோ’.?
சாந்தி டாக்கீஸ் நிறுவனம் தயாரிப்பில் ‘மாவீரன்’ படம் உருவாகி வருகிறது. அதிதி ஷங்கர் கதாநாயகியாக நடிக்கும் இந்தப்படத்தில் பிரபல இயக்குனர் மிஷ்கின், சரிதா, யோகி பாபு உள்ளிட்டோர் நடித்து வருகின்றனர். ‘மாவீரன்’ படப்பிடிப்பு முழுவீச்சில் நடைபெற்று வரும் நிலையில் தீபாவளி ரிலீசாக படத்தை வெளியிட படக்குழு திட்டமிட்டுள்ளது குறிப்பிடத்தக்கது.