தற்போது ரசிகர்கள் இடையே செல்ஃபி மோகம் மிகவும் அதிகரித்துவிட்டதாக நடிகை நவ்யா நாயர் வருத்தம் தெரிவித்துள்ளார்.
தமிழில் அழகிய தீயே படம் மூலம் அறிமுகமான நடிகை நவ்யா நாயர், பின்னர் முன்னணி கதாநாயகியாக உயர்ந்தார். இவர் மலையாளத்திலும் அதிக படங்களில் நடித்து இருக்கிறார். இவர் திருமணத்துக்கு பிறகு சில ஆண்டுகள் சினிமாவை விட்டு ஒதுங்கி இருந்தார்.
இந்நிலையில் தற்போது மீண்டும் நடிக்க வந்துள்ளார். இந்நிலையில் பேட்டி ஒன்றில் பேசியுள்ள நடிகை நவ்யா நாயர், சினிமாவில் தனது மறு பிரவேசம் சிறப்பாக உள்ளது என்று மகிழ்ச்சி தெரிவித்துள்ளார்.
ரசிகர்கள் அளிக்கும் வரவேற்பு தாம் எதிர்பார்த்ததற்கும் மேலாக இருக்கிறது என்றும், நிறைய கதைகள் கேட்டு, அவற்றில் சில கதைகளை தேர்வு செய்து நடித்து வருவதாக கூறியுள்ளார்.
கடந்த சில வருடங்களாக சினிமா துறையில் பெரிய மாற்றங்கள் ஏற்பட்டு உள்ளது என்று கூறியுள்ள அவர், தற்போது ஹீரோ, ஹீரோயினை தாண்டி, ஷூட்டிங் ஸ்பாட்டில் உள்ள அனைவருக்கும் வசதி செய்து கொடுக்கின்றனர் என தெரிவித்துள்ளார்.
அதே நேரத்தில் தற்போது ரசிகர்கள் மத்தியில் செல்ஃபி மோகம் மிகவும் அதிகரித்துவிட்டதாக அவர் கவலை தெரிவித்துள்ளார். உடல்நலம் பாதிக்கப்பட்டு மருத்துவமனையில் இருக்கும்போது, இறப்பு வீட்டிற்கு சென்றிருக்கும் போது என ரசிகர்கள் செல்ஃபி எடுக்க அனுமதி கேட்பதாக வருத்தம் தெரிவித்துள்ளார்.
newstm.in