சீமானும் சர்ச்சையும்
நாம் தமிழர் கட்சியின் ஒருங்கிணைப்பாளர்
, எப்போதெல்லாம் நரம்பு புடைக்க பேசுகிறாரோ அப்போதெல்லாம் சர்ச்சையில் சிக்கி வருகிறார். ‘நான் ஒரு பிச்சக்கார பய.. என்னால திமுக மாதிரி தேர்தல்ல செலவழிக்க முடியாது’ என்று அவர் பேசினார். ஆனால் ஈசிஆர் பங்களாவில் காக்காவிற்கு நெய் சோறு வைக்கும் அளவிற்கு அவர் ஏழை என நெட்டிசன்கள் ஆதாரத்துடன் விமர்சித்தனர். அதேபோல் அவர் 5 நட்சத்திர விடுதியான ரேடிசன் புளுவில் தான் தங்குவார் என முன்னாள் தம்பியும் பொளந்து கட்டினார்.
அதேபோல் 40 ஆயிரம் மதிப்புள்ள டீஷர்ட்டை சீமான் போட்டதும் பேசுபொருளானது. இந்த சூழலில் ஈரோடு இடைத்தேர்தல் பிரச்சாரத்தில் பேசும்போது, ‘‘போர் என்றால் முதலில் வருபவர்கள் தான் முதலியார்கள்’’ என அவர் பேசியதும் விமர்சனத்திற்குள்ளானது. ஏனெனில் ஈரோடு கிழக்கு தொகுதி இடைத் தேர்தலில் வெற்றியை தீர்மானிப்பது செங்குத்த முதலியார்கள் தான். சாதி பார்த்து போடும் ஓட்டு எனக்கு தீட்டு எனக் கூறியவர், போகும் இடமெல்லாம் பெரும்பான்மை சாதியினரை கவர்வதற்காக சாதி குறித்து பேசுவதாக திராவிட இயக்கத்தவர்கள் பேசினர்.
அருந்ததியர்கள் மேட்டர்
அதேபோல் ஈரோடு கிழக்கு தொகுதி இடைத் தேர்தல் பிரச்சாரத்தின் போது, அருந்ததியினர் விஜய நகர பேரரசின் ஆட்சி காலத்தில் வந்த வந்தேறிகள், தூய்மை பணிகளை மேற்கொள்வதற்காக அழைத்து வரப்பட்டனர் என சீமான் கூறியது பல போரட்டங்களுக்கு வழி வகுத்தது. ஈரோட்டில் உள்ள அருந்ததி இன மக்கள் நாம் தமிழர் வேட்பாளரை ஊருக்குள் நுழைய விடாத சம்பவங்கள் நடந்தன. அதேபோல் தமிழகம் முழுவதும் தமிழ் புலிகள் கட்சியினர் பல்வேறு போராட்டங்களை நடத்தினர்.
இப்படியாக பல்வேறு சர்ச்சைகள் இருந்தாலும், மேலதிக சர்ச்சைகள் சீமானை தொடர்ந்து வந்து கொண்டிருக்கின்றன. வடமாநில தொழிலாளர்கள் மீது கஞ்சா கேஸ் போடுவேன், ரேப் கேஸ் போடுவேன் எனக் கூறியதற்காக அவர் மீது வழக்கு பதிவு செய்யப்பட்டது. இத்தகைய சூழலில் மதுரை அருகே உசிலம்பட்டியில் சீமான் பேசியது தற்போது பேசுபொருளாகியுள்ளது.
தேவரும் பெரியாரும்
‘‘சாகும் போது தன்னுடைய சொத்தை எல்லாம் மக்களுக்கு எழுதி வச்ச என் தாத்தன் முத்துராமலிங்க தேவர் சாதிய தலைவராம். ஆனால் சாகும் போது கூட சொத்து தன்ன விட்டு போகக்கூடாதுனு 70 வயதுல கல்யாணம் செஞ்சுக்கிட்ட
பொது தலைவராம்’’ என அவர் பேசியது தான் தற்போது ட்விட்டரில் வைரலாகி வருகிறது.
தன் சொத்தை எல்லாம் தாழ்த்தப்பட்ட மக்களுக்கு எழுதி கொடுத்தார் முத்துராமலிங்கம் என்கிறார்கள் அவர் சொத்து எழுதி கொடுத்த 16 நபர்களில் இருவர் மட்டும் தான் தாழ்த்தப்பட்ட சமூகம் அவர்களும் அவரிடம் வேலை பார்த்தவர்கள். அப்படி அவர்களிடம் கொடுத்த சொத்தை முத்துராமலிங்கம் நினைவு டிரஸ்ட் அதற்கு திரும்ப மாற்றி கொடுத்து விடுகிறார்கள்.
இதில் இனாம் சாசனம் எழுதி கொடுத்த நபர்களின் பெயர்கள் கொடுக்கப்பட்டுள்ளது என நெட்டிசன் ஒருவர் பகிர்ந்துள்ளார். அதேபோல் பாஜகவில் எச்.ராஜாவிற்கு பிறகு முத்துராமலிங்க தேவரையும் பெரியாரையும் எதிரிகளாக சித்திரப்பது சீமான் தான் எனவும் இன்னொரு நெட்டிசன் பகிர்ந்துள்ளார்.