‘‘மிகவும் பிற்படுத்த சமூகத்தின் தலைவரான முத்துராமலிங்க தேவர், தான் சாகும்போது தன் சொத்துக்களை எல்லாம் ஏழை மக்களுக்கு எழுதி வைத்தார். ஆனால் முத்துராமலிங்க தேவர் சாதி தலைவராம், ஆனால் 70 வயதில் சாகும் போது தன் சொத்துக்களை பாதுகாக்க திருமணம் செய்து கொண்ட பெரியா பொது தலைவராம்’’ என சீமான் பேசியது தான் தற்போது வைரலாகி வருகிறது.
ஏன் தன் சொத்துக்களை காப்பாற்ற திருமணம் செய்தார் என பலரும் கேள்வி எழுப்பி வருகின்றனர். பெரியாரின் இறப்பிற்கு பின்பு பல்வேறு உயர்கல்வி நிறுவனங்கள் அவரது சொத்தில் இருந்து உருவாகியுள்ளன. தஞ்சாவூர் பெரியார் மணியம்மை நிகர்நிலைப் பல்கலைகழகம், பெரியார் நூற்றாண்டு பாலிடெக்னிக் கல்லூரி, பெரியார் முதன்மை பள்ளி, பெரியார் மணியம்மை உயர்நிலைப்பள்ளி என பல்வேறு பகுதிகளில் பெரியாரின் சொத்துக்களால் பல பொது மனிதர்கள் பயணடைந்து வருவதாக
திராவிட கழகத்தின் மணி அமுதன் தெரிவித்துள்ளார்.
தேவர்
அதேபோல் முத்துராமலிங்க தேவர் ஏழை மக்களுக்கு கொடுத்ததாக சொல்லப்படும் சொத்துக்களையும் திருப்பி வாங்கப்பட்டதாக திராவிட இயக்க ஆதரவாளர் ஆதாரத்துடன் நிருபித்துள்ளார். இது குறித்து கபிலன் எனும் நெட்டிசன் தனது ட்விட்டர் பதிவில், ‘‘முத்துராமலிங்கம் தனது இறப்புக்கு முன்னர் 1960 ஆம் ஆண்டு தனது பங்களா இருக்கும் புளிச்சிகுளம் கிராமத்தில் 32.5 ஏக்கர் கிராம நிலங்களை 17 பாகங்களாகப் பிரித்திருக்கிறார், ஒரு பாகத்தை தனக்கு வைத்துவிட்டு, 16 பாகங்களை தனக்கு நெருக்கமாகவும், விசுவாசமாகவும் இருந்த 16 பேருக்கு எழுதி வைத்தார். அவர்களுள் பசும்பொன்னை சேர்ந்த இரண்டு தலித்துகளும் அடங்கும்.
முத்துராமலிங்கத்தின் இறப்புக்கு பின்னர், திரு.உ.முத்துராமலிங்கம் நினைவு தர்மபரி பால ஸ்தாபனம் என்னும் பெயரில் நிறுவப்பட்ட அறக்கட்டளைக்கு, வடிவேலம்மாள், ஜானகி அம்மாள், ராமச்சந்திரன், அட்டெண்டர் முத்துசெல்வம் ஆகியோர் தவிர்த்த 12 பேர் தமது பங்குகள் அனைத்தையும் அப்படியே தந்து விட்டதாக ஏ.ஆர்.பெருமாள் தனது நூலில் பதிவு செய்திருக்கிறார்.
பெரியார்
ஆக ஒரு பக்கம் கொடுப்பது போல கொடுத்து விட்டு மீண்டு அதையே தனது டிரஸ்ட்க்கு மாற்றி இருக்கிறார்கள் அதில் தலித்துகள் நிலத்தை கொடுத்து விட்டனர் மற்றவர்களில் சிலர் கொடுக்கவில்லை. ஆக சொத்தை கொடுப்பது போல கொடுத்து திரும்ப எழுதி வாங்கியிருக்கிறார்கள் முத்துராமலிங்கம் சொத்தை எழுதி தரவில்லை’’ என தெரிவித்துள்ளார். அதேபோல் மேலும் ஒரு ட்விட்டர் பதிவில், ‘‘பெரியார் தன் சொத்துக்களை ரத்த உறவுக்கு தான் எழுதி வைக்க வேண்டும் என்ற நிலவுடைமை சிந்தனை கொண்டவர் என்று புதிய விளக்கம், புதிய திரிபுகளை தங்கள் மனம் போன போக்கில் எழுத துவங்கி இருக்கிறார்கள்.
ஈவெரா வின் தந்தை வெங்கடசாமி இறக்கும் முன்பே ஈவெரா-வின் அண்ணன் கிருஷ்ணசாமிக்கும் சொத்து சரி சமமாக பிரித்து கொடுக்கப்பட்டது. இரண்டு பிள்ளைகளுக்கும் எழுதியது போக மீதம் இருந்த 20 ஆயிரம் ரூபாய் சொத்துக்கள் தர்மத்திற்கு எழுதப்பட்டது. அதை ஈவெரா-வின் அண்ணன் எதிர்த்தார், பெரியார் எதிர்க்கவில்லை, மாறாக அதை மக்களுக்காக எழுதி கொடுத்தார். அதில் அவர் மட்டும் கையெப்பம் இட்டிருந்தார்.
1920 ஆம் ஆண்டில்- ரூ.20,000 ஆயிரம் என்பது எத்தனை கோடிகள் இப்போது என்பதை எண்ணி பார்க்க வேண்டும். குடும்ப சொத்துக்கும் குடும்ப நிலத்திற்கும் அழைந்தவன் அல்ல அந்த கிழவன். இவையெல்லாம் பெரியாரின் சொத்துக்கள்டா.. அத்தனையும் பொது மக்களுக்காக பயன்படுத்தப்படுது.. இந்த சொத்துக்களை காப்பாற்றி மக்கள் பயன்பெறத்தான்டா பெரியார் மணியம்மையை திருமணம் செய்தார்’’ என அவர் காட்டமாக பதிவு செய்துள்ளார்.