தமிழக பாஜக தலைவர் அண்ணாமலை நேற்று முன்தினம் திமுகவினர் குறித்து வெளியிட்ட சொத்து பட்டியல் மற்றும் முதல்வர் ஸ்டாலின் மீதான ஊழல் குற்றசாட்டுகள் பூதாகாரமானது. முதற்கட்டமாக பார்ட் 1 வீடியோவை வெளியிட்ட அண்ணாமலை விரைவில் இரண்டாம் பாகம் வெளியாகும் என்றும் கூறியிருந்தார். இதற்கிடையே, அண்ணாமலை வெளியிட்ட சொத்து பட்டியல் விவரங்கள் ஆதாரமற்றவை என்று
அமைப்பு செயலாளர்
பதில் அளித்திருந்தார்.
மேலும், அண்ணாமலையின் அறியாமையை பார்த்தால் அவர் ஐபிஎஸ் எப்படி ஆனார் என்பதில் சந்தேகம் இருப்பதாகவும் அவர் விமர்சித்தார். இதற்கு எதிர்வினையாற்றிய அண்ணாமலை ” திமுக சொத்து பட்டியல் தொடர்பாக வரும் வியாழக்கிழமை சிபிஐயில் புகார் அளிக்கவுள்ளதாக கூறினார். மேலும், சொத்து பட்டியல் குறித்து திமுகவினர் இதுவரை மறுப்பு தெரிவிக்கவில்லை என்றும் ஆர்.எஸ்.பாரதி மட்டுமல்ல, அவர் தந்தையே வந்தாலும் சந்திக்க தயார் என்று அண்ணாமலை சூளுரைத்தார்.
இந்த நிலையில், திமுக மீது அண்ணாமலை வைத்த ஆதாரமற்ற குற்றச்சாட்டுகளுக்கு 48 மணி நேரத்துக்குள் நஷ்ட ஈடாக 500 கோடி இழப்பீடு கொடுக்க வேண்டும் என்றும் குற்றச்சாட்டுகளுக்கு பகிரங்க மன்னிப்பு கேட்க வேண்டும் என்றும் ஆர்.எஸ். பாரதி எச்சரிக்கை செய்துள்ளார். ஆர்.எஸ். பாரதி வெளியிட்டுள்ள அந்த நோட்டீஸில், பாஜக மாநில தலைவர் அண்ணாமலை ‘DMK Files’ என்ற தலைப்பில் 15 நிமிடங்கள் ஓடும் வீடியோவை வெளியிட்டுள்ளார். அதில், திமுக கட்சி மீது கற்பனையான குற்றச்சாட்டுகளைக் கூறியுள்ளார்.
திமுகவினருக்குச் சொந்தமான பள்ளிகளின் மதிப்பு ரூ. 3474.18 கோடி என்றும் கல்லூரிகள் மற்றும் பல்கலைக்கழகங்கள் மதிப்பு ரூ. 34,184.71 கோடி என்றும் காட்டியிருப்பது பொய்யான தகவல். திமுகவின் நிர்வாகியாக இருக்கும் ஒருவரின் சொத்துக்கள் திமுகவின் சொத்துக்களாக ஆகிவிட முடியாது.
எனவே, திமுக மற்றும் திமுக தலைவர் ஸ்டாலின் சார்பிலும் நான் கூறிக்கொள்ள விரும்புவது என்னவென்றால், அண்ணாமலையின் பொய்யான, தவறான குற்றச்சாட்டுகளுக்கு பகிரங்க மன்னிப்பு கேட்க வேண்டும். அண்ட் வீடியோவை நீக்க வேண்டும்… இழப்பீட்டுத் தொகையாக 500 கோடி ரூபாய் எங்களது கட்சி காரருக்கு கொடுக்க வேண்டும். அந்த பணத்தை முதலமைச்சரின் பொது நிவாரண நிதிக்கு அவர் செலுத்த விரும்புகிறார். இந்த தகவலை பெற்ற 48 மணி நேரத்துக்குள் இதை செய்யாவிட்டால் உங்கள் மீது சிவில் மற்றும் கிரிமினல் வழக்கு தொடரப்படும் என்று அதில் கூறப்பட்டுள்ளது.