ஏப்ரல் 14 முதல் 17 வரையிலான பிளாக்பஸ்டர் Value Days- வீடு, சமையலறை மற்றும் கோடைகால உபகரணங்களுக்கான அற்புதமான சலுகைகளைப் பெறுங்கள்.
மாஸ்டரை அடுத்து லோகேஷ் கனகராஜ் இயக்கத்தில் தளபதி விஜய் நடித்து வரும் படம் லியோ. முதல் கட்ட படப்பிடிப்பு சென்னையிலும், இரண்டாம் கட்ட படப்பிடிப்பு காஷ்மீரிலும் நடந்தது. இதையடுத்து மூன்றாவது கட்ட படப்பிடிப்பு சென்னையில் நடந்து வருகிறது.
சென்னையில் செட் போட்டு படப்பிடிப்பை நடத்தி வருகிறார் லோகேஷ் கனகராஜ். இது லோகேஷின் எல்.சி.யூ. கதையாகத் தான் இருக்கும் என ரசிகர்கள் நம்புகிறார்கள். இந்நிலையில் விருது விழா ஒன்றுக்கு வந்த லோகேஷ் கனகராஜிடம், என்ன லோகி உங்கள் லியோ படத்தின் கதை எல்.சி.யூவா என கேட்டதற்து, அது பற்றி எதுவும் கேட்காதீர்கள் என்று சொல்லிவிட்டார்.
அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும்
லோகேஷ் பதில் அளிக்காவிட்டாலும் லியோ படத்தின் கதை எல்.சி.யூ தான் என ரசிகர்கள் நம்புகிறார்கள். இந்நிலையில் லியோ படத்தில் கலை இயக்குநராக வேலை செய்து வரும் சதீஷ் குமார் கொடுத்த அப்டேட் ரசிகர்களின் சந்தேகத்தை உறுதி செய்துவிட்டது.
தி ஈகில் இஸ் கமிங் என்கிற வாசகம் அடங்கிய கழுகு புகைப்படத்தை ட்விட்டரில் வெளியிட்டுள்ளார் சதீஷ்குமார். அதை பார்த்த ரசிகர்களோ, புரிந்துவிட்டது. ஈகில் என்றால் விக்ரம் படத்தில் கமலின் கதாபாத்திரம். அப்படி என்றால் லியோ படத்தில் கமல் ஹாசன் நடிக்கவிருக்கிறார்.
கமல் நடிக்கிறார் என்றால் இது கண்டிப்பாக எல்.சி.யூ. கதை தான் என்கிறார்கள்.
லியோ படத்தின் கதை எல்.சி.யூவாக இருந்தால் விஜய் சேதுபதி, ஃபஹத் ஃபாசில், சூர்யா, கார்த்தி உள்ளிட்டோரும் தளபதி படத்தில் கவுரவத் தோற்றத்தில் வருவார்களா என ரசிகர்கள் கேள்வி எழுப்பியுள்ளனர்.
Leo: லியோவில் விஜய்யுடன் மோதும் தனுஷ்: ரோலக்ஸை விட மிரட்டலான ரோலாம்
இதற்கிடையே லியோ படத்தில் கவுரவத் தோற்றத்தில் வருகிறார் நடிப்பு ராட்சசன் தனுஷ். அவரின் கதாபாத்திரம் ரோலக்ஸ் சாரை விட பயங்கரமாக இருக்கும். லியோவுக்காக 15 நாட்கள் டேட்ஸ் கொடுத்திருக்கிறார். சென்னை ஷெட்யூலில் கலந்து கொள்வார் தனுஷ் என தகவல் வெளியாகி தீயாக பரவியது.
லியோ படம் குறித்து அப்டேட் கேட்பார்கள். ஆனால் யாரும் எதுவும் சொல்லக் கூடாது என்று படக்குழுவினருக்கு உத்தரவிட்டுள்ளார் லோகேஷ் கனகராஜ். அப்படி இருந்தும் சதீஷ் குமார் இப்படி ஒரு முக்கியமான தகவலை கசியவிட்டதில் ரசிகர்களுக்கு மகிழ்ச்சியே.
முன்னதாக விருது விழாவுக்கு வந்த த்ரிஷாவிடம் நைசாகப் பேசி அப்டேட் வாங்கிவிடலாம் என்று நினைத்தார்கள். ஆனால் அதே விழாவில் கலந்து கொண்ட லோகேஷோ, படம் குறித்து எதுவும் சொல்லக் கூடாது என்று சொல்லித் தான் த்ரிஷாவை அழைத்து வந்திருக்கிறேன் என்று கூறிவிட்டார்.
முன்னதாக காஷ்மீரில் படப்பிடிப்பு நடத்தியபோது வீடியோ கசிந்துவிட்டது. அதில் இருந்து மிகவும் கவனமாக இருந்து வருகிறார் லோகேஷ் கனகராஜ். சென்னை ஷெட்யூலை முடித்துக் கொண்டு ஹைதராபாத் கிளம்புகிறார்.
Leo: ரிலீஸுக்கு முன்பே பட்ஜெட்டை விட ரூ. 25 கோடி அதிகம் வசூலித்த லியோ: தளபதிடா
லியோ படத்தை அக்டோபர் மாதம் 19ம் தேதி ரிலீஸ் செய்ய திட்டமிட்டுள்ளனர். படம் ரிலீஸாவதற்கு முன்பே சாட்டிலைட், டிஜிட்டல், இசை உள்ளிட்டட உரிமங்கள் மூலம் ரூ. 400 கோடி வசூல் செய்துவிட்டது என்பது குறிப்பிடத்தக்கது.