ஏப்ரல் 14 முதல் 17 வரையிலான பிளாக்பஸ்டர் Value Days- வீடு, சமையலறை மற்றும் கோடைகால உபகரணங்களுக்கான அற்புதமான சலுகைகளைப் பெறுங்கள்.
ஒரே சமயத்தில்தமிழ் சினிமாவில் தற்போது முக்கியமான இடத்தில் இருப்பவர்கள் தான் சிவகார்த்திகேயன் மற்றும் அனிருத். இருவரும் கிட்டத்தட்ட ஒரே சமயத்தில் தான் சினிமாவில் அறிமுகமானார்கள். சிவகார்த்திகேயன் என்னதான் மெரினா படத்தின் மூலம் அறிமுகமானாலும் அவர் 3 படத்தின் மூலம் தான் ரசிகர்களிடம் நன்கு பிரபலமானார். அதே படத்தில் தான் அனிருத்தும் இசையமைப்பாளராக காலடி எடுத்து வைத்தார். இப்படத்தை தனுஷ் தயாரிக்க ஐஸ்வர்யா இயக்கினார். அதைத்தொடர்ந்து இருவரும் மளமளவென வளர்ந்து இன்று உச்ச நட்சத்திரங்களாக ஜொலித்து வருகின்றனர்
அசுர வளர்ச்சி3 படத்தில் அனிருத் இசையமைத்த அனைத்து பாடல்களும் வேற லெவலில் ஹிட்டடிக்க அடுத்தடுத்து பல படவாய்ப்புகள் அனிருத்தை தேடி வந்தன. வணக்கம் சென்னை, எதிர் நீச்சல், மான் கராத்தே என அனிருத் இசையமைத்த அனைத்து படங்களும் தொடர்வெற்றிகளை பெற விஜய், அஜித் என முன்னணி நடிகர்களின் படங்களுக்கு இசையமைக்க துவங்கினார் அனிருத். மறுபக்கம் சிவகார்த்திகேயன் எதிர் நீச்சல், வருத்தப்படாத வாலிபர் சங்கம், ரஜினி முருகன் என தொடர் வெற்றிகளை பெற்று முன்னணி நடிகராக உருவெடுத்தார். இருவரும் ஒரே சமயத்தில் அறிமுகமாகி ஒரே மாதிரியான வளர்ச்சியை அடைந்தனர்
வெற்றி கூட்டணிசிவகார்த்திகேயன் நடிப்பில் வெளியான பெரும்பாலான படங்களுக்கு அனிருத் தான் இசையமைத்துள்ளார். அதில் அனைத்து படங்களும் வெற்றி படங்களாகவே சிவகார்த்திகேயனுக்கு அமைந்தது. தனுஷின் தயாரிப்பில் வெளியான எதிர்நீச்சல் படத்தின் மூலம் இக்கூட்டணி உருவானதை அடுத்து மான் கராத்தே, காக்கி சட்டை, ரெமோ, வேலைக்காரன், டாக்டர், டான் என அனிருத் இசையமைத்த அனைத்து படங்களும் சிவகார்த்திகேயனுக்கு ஹிட்டாக அமைந்தன. எனவே இவர்கள் இருவரும் இணைந்தாலே அப்படம் கண்டிப்பாக வெற்றி தான் என்ற பேச்சு கோலிவுட் வட்டாரத்தில் இருந்து வருகின்றது
என்ன பிரச்சனைஇந்நிலையில் சமீபகாலமாக சிவகார்த்திகேயனுக்கும், அநிருத்திற்கும் இடையே ஏதோ பிரச்சனை இருந்து வருவதாக சில வதந்திகள் பரவி வருகின்றன. அதற்கு காரணம் சிவகார்த்திகேயன் தற்போது நடித்து வரும் படங்களுக்கு அனிருத் இசையமைக்க வில்லை என்பது தான். தற்போது சிவகார்த்திகேயன் நடித்து வரும் மாவீரன் படத்திற்கு அனிருத் இசையமைக்கவில்லை. இதையடுத்து கமலின் தயாரிப்பில் சிவகார்த்திகேயன் நடிக்கும் படத்திற்கும், ஏ.ஆர்முருகதாஸ் இயக்கத்தில் நடிக்கவிருக்கும் படத்திற்கும் அனிருத் இசையமைக்க மறுத்துவிட்டாராம். எனவே இதன் காரணமாக இவர்களுக்குள் ஏதேனும் பிரச்சனை இருக்குமா என சிலர் பேச துவங்கிவிட்டனர். ஆனால் அனிருத் தற்போது ஒரே சமயத்தில் பல படங்களுக்கு இசையமைத்து பிசியாக இருப்பதால் தான் சிவகார்த்திகேயன் நடிக்கும் படங்களுக்கு இசையமைக்க முடியாமல் போனதாம். இதுதான் காரணமே தவிர இவர்களுக்குள் எந்த பிரச்சனையும் இல்லை என தற்போது தெரியவந்துள்ளது குறிப்பிடத்தக்கது.