கட்சிக்கும் – திமுகவுக்கும் இருக்கும் மோதல் போக்கு ஊர் அறிந்ததே. பொது மேடைகளில் தாக்கி பேசிக்கொள்வதும், தேர்தல் பிரச்சாரத்தில் அடித்துக்கொள்வதுமென நேரெதிரிகளாக இரு கட்சிகளும் மாறிவிட்டன. இந்த நிலையில், நாம் தமிழர்
எப்போதெல்லாம் திமுகவை விமர்சிக்கிறாரோ அப்போதெல்லாம்
எதிர்வினையாற்றி வருவது புதுசாக உள்ளது. திமுககாரர்களே சீமான் விஷயத்தில் மேல் போக்காக கடந்து செல்லும் நிலையில் திருமாவளவன் ஆக்ரோஷமாக பேசி வருகிறார். இதற்கு நாம் தமிழர் தம்பிகளும் எதிர்வினையாற்ற தொடங்கிவிட்டனர்.
நாக்கு கூசுகிறது
சமீபத்தில் நாம் தமிழர் தம்பி ஒருவர் பேசும் காணொளி தீயாக பரவி வருகிறது. அதில் அந்த இளைஞர், அம்பேத்கரின் வாரிசுகள் என்று கட்சி உள்ளது. அந்த கட்சியின் பெயரை சொல்லக்கூட நாக்கு கூசுகிறது. அண்ணல் அம்பேத்கரின் படம் இருக்கும் பனியனை அணிந்துகொண்டு அவன் சாராய கடையில் நிற்கிறான். இதை யார் மாற்றுவது? இந்த நிலையை மாற்ற யார் பேசுவது? ரெண்டு சீட்டு நாலு சீட்டுக்காக திமுகவிடம் கையேந்துவதை தவிர வேற என்ன செய்வது என்று யோசித்தால் நாண்டுக்கிட்டு சாவு” என்று பேசியுள்ளார். இது விசிக தொண்டர்களுக்கு கடுப்பேற்றியுள்ளது. இருப்பினும், இதற்கு பிள்ளையார் சுழியை போட்டது விசிக தலைவர் திருமாவளவன்தான்.
சில மாதங்களுக்கு முன்பு மேடையில் பேசிய திருமாவளவன், நாம் தமிழர் கட்சிக்கு திமுகவும் பிடிக்காது, அதிமுகவும் பிடிக்காது, பாஜகவும் பிடிக்காது காங்கிரசும் பிடிக்காது. அப்புறம் என்ன புடுங்க போற நீ? ஒண்ணும் புடுங்க முடியாது… இதை தவிர முட்டாள் தனமான வியூகம் எதுவும் இருக்க முடியாது… திமுகவும், அதிமுகவும் எங்களுக்கு எதிரிதான்.. எங்களுக்கு அவர்ளுடன் முழு உடன்பாடு ஒண்ணும் கிடையாது. ‘
யார் முதல் எதிரி?
காங்கிரசுடன் எங்களுக்கு முழு உடன்பாடு கிடையாது… ஆனால், இந்த நேரத்தில் யார் முதல் எதிரி? யார் வீழ்த்தப்பட்ட வேண்டும்? யாரை வீழ்த்தவேண்டும்? யார் இங்கே காலை ஊன்றக்கூடாது? அதுதான் முதன்மையானது. மிக மிக மோசமான ஆபத்து சனாதன அரசியல்தான்… அவர்களை முதலில் வீழ்த்தவாதது நாம் தமிழர் கட்சி பாஜகவுக்கு எதிரான கட்சியில் கூட்டணி அமைக்க வேண்டும்” என்று திருமாவளவன் காட்டமாக நாம் தமிழர் கட்சியை விமர்சித்திருந்தார்.
நான் ஏன் கஷ்டப்படணும்
அதற்கு கருத்து தெரிவித்த நாம் தமிழர் சீமான், ” அது எங்கள் அண்ணனுடைய கருத்து அவ்வளவுதான். அதை நான் மதிக்கிறேன்.. ஆனால், ஏற்க முடியாது. ஒரு நாலு சீட்டுக்காக இவர்களிடம் கெஞ்சனும், மண்டியிடனும் என்றெல்லாம் அவரே பேசியிருக்கிறார். அண்ணன் பட்ட கஷ்டத்தை அசிங்கத்தை தம்பி பட்டுவிடக்கூடாத என்று நான் நினைக்கிறன். திராவிட கட்சிகளிடம் கூட்டணி வைக்காமல் வெல்ல முடியாது என்று அவர் நினைத்தால் பரவாயில்லை. தம்பி நான் போராடி பார்க்கிறேன்.
வெல்லவே முடியாது என்றெல்லாம் சொல்ல கூடாது. தற்காலிக வெற்றிக்காக நிரந்தர தோல்வியடைய நான் தயாராக இல்லை என்று சீமான் தனதுதரப்பில் விளக்கத்தை கொடுத்திருந்தார்.