ஏப்ரல் 14 முதல் 17 வரையிலான பிளாக்பஸ்டர் Value Days- வீடு, சமையலறை மற்றும் கோடைகால உபகரணங்களுக்கான அற்புதமான சலுகைகளைப் பெறுங்கள்.
Ponniyin selvan 2 stars: பொன்னியின் செல்வன் 2 பட ரிலீஸ் நெருங்கி வரும் நேரத்தில் சோழர் குலத்தை சேர்ந்த இரண்டு பேரின் ட்விட்டர் பக்கத்தில் இருந்த ப்ளூ டிக் காணாமல் போய்விட்டது.
த்ரிஷா, ஜெயம் ரவிமணிரத்னம் இயக்கத்தில் சீயான் விக்ரம், கார்த்தி, ஜெயம் ரவி, த்ரிஷா, ஐஸ்வர்யா ராய் பச்சன், ஐஸ்வர்யா லட்சுமி, சரத்குமார் உள்ளிட்டோர் நடித்திருக்கும் பொன்னியின் செல்வன் 2 படம் ஏப்ரல் 28ம் தேதி தியேட்டர்களில் ரிலீஸாகவிருக்கிறது. இந்நிலையில் த்ரிஷா மற்றும் ஜெயம் ரவியின் ட்விட்டர் கணக்கில் இருந்த ப்ளூ டிக் காணாமல் போய்விட்டது.
ப்ளூ டிக்ட்விட்டர் விதிகள் மாற்றப்பட்டுள்ளது. அதன்படி பெயரை மாற்றினால் ப்ளூ டிக் நீக்கப்படும். இந்நிலையில் பொன்னியின் செல்வன் 2 ரிலீஸையொட்டி தன் ட்விட்டர் கணக்கில் இருந்த பெயரை அருண்மொழி வர்மன் என மாற்றினார் ஜெயம் ரவி. த்ரிஷாவோ குந்தவை என மாற்றினார். அவர்கள் பெயரை மாற்றியதால் தான் ப்ளூ டிக் பறிக்கப்பட்டுள்ளதாக கூறப்படுகிறது.
கார்த்திவந்தியத்தேவன் கார்த்தியும், ஆதித்த கரிகாலன் சீயான் விக்ரமும் தங்களின் ட்விட்டர் கணக்குகளில் பெயரை மாற்றவில்லை. அதனால் அவர்களின் பக்கத்தில் இருக்கும் ப்ளூ டிக் பறிக்கப்படவில்லை. படம் ரிலீஸாகவிருக்கும் நேரத்தில் சோழர்களுக்கு என்னய்யா இப்படியொரு சோதனை என சினிமா ரசிகர்கள் தெரிவித்துள்ளனர்.
டெல்லிபொன்னியின் செல்வன் 2 படக்குழு இன்று டெல்லிக்கு சென்றிருக்கிறது. விக்ரம், ஜெயம் ரவி, கார்த்தி, த்ரிஷா, ஐஸ்வர்யா லக்ஷ்மி, சோபிதா துலிபாலா ஆகியோர் தனி விமானத்தில் இருந்து இறங்கி நடந்து செல்லும் புகைப்படம் வெளியாகி ரசிகர்களை கவர்ந்திருக்கிறது. பொன்னியின் செல்வனை போன்றே அதன் இரண்டாம் பாகத்தையும் பல்வேறு நகரங்களில் விளம்பரம் செய்து வருகிறார்கள்.
ரூ. 1000 கோடிபொன்னியின் செல்வன் படம் ரூ. 500 கோடி வசூல் செய்தது. அதன் இரண்டாம் பாகம் நிச்சயம் ரூ. 1000 கோடி வசூல் செய்யும் என எதிர்பார்க்கப்படுகிறது. இந்நிலையில் அண்ணா பல்கலைக்கழகத்தில் பொன்னியின் செல்வன் 2 ஆந்தமை வெளியிட்டார்கள். அந்த நிகழ்ச்சியில் 6 ஆயிரம் மாணவ, மாணவியர் கலந்து கொண்டு படக்குழுவை வாழ்த்தினார்கள்.
வந்தியத்தேவன்அரங்கில் கூடியிருந்த மாணவிகளை பார்த்த கார்த்தியோ, இங்கு இருக்கின்ற எல்லா இளவரசிகளுக்கும் உயிர் உங்களுடையது தேவி என்று கூறி அவர்களை இம்பிரஸ் செய்துவிட்டார். மேலும் காதலிக்க மாட்டோமா என ஏங்கிய தனக்கு வந்தியத்தேவன் கதாபாத்திரத்தில் நடிக்க வாய்ப்பு அளித்த மணிரத்னத்துக்கு நன்றி தெரிவித்துக் கொண்டார் கார்த்தி. விளம்பர நிகழ்ச்சிகளில் கார்த்தி பேசுவது ரசிகர்களை வெகுவாக கவர்ந்து வருகிறது என்பது குறிப்பிடத்தக்கது.
Ponniyin Selvan 2: கார்த்தியின் பல வருட ஏக்கத்தை தீர்த்து வைத்த மணிரத்னம்: பயங்கரமான ஏக்கமா இருக்கே