ஏப்ரல் 14 முதல் 17 வரையிலான பிளாக்பஸ்டர் Value Days- வீடு, சமையலறை மற்றும் கோடைகால உபகரணங்களுக்கான அற்புதமான சலுகைகளைப் பெறுங்கள்.
தமிழ் சினிமாவில் உச்ச நட்சத்திரங்களில் முதன்மையானவர்கள் தான் விஜய் மற்றும் அஜித். கடந்த 25 ஆண்டுகளாக இவர்கள் இருவரும் போட்டி நடிகர்களாக கோலிவுட் வட்டாரத்தினராலும் ரசிகர்களாலும் பார்க்கப்பட்டு வருகின்றனர்.
ஒரே சமயத்தில் தமிழ் சினிமாவில் என்ட்ரி கொடுத்த இவர்களின் கேரியர் ஒரே மாதிரியாக இருந்தது தான் இந்த போட்டிக்கு முக்கிய காரணமாக பார்க்கப்படுகின்றது என்றும் சொல்லலாம். ஆரம்பத்தில் காதல் படங்களாக நடித்து வந்த இவர்கள் ஒரு கட்டத்தில் ஆக்ஷன் படங்களை தேர்வு செய்தனர். அதன் பின் புரட்சிகரமான படங்களாக தேர்தெடுத்து ரசிகர்களுக்கு தன் படங்களின் மூலம் கருத்துக்களை கூறி வந்தனர்.
Rajini: ரஜினியின் ஜெயிலர் படத்திலிருந்து வெளியான லேட்டஸ்ட் அப்டேட்..நெல்சனின் தரமான சம்பவம் லோடிங்..!
ஆனால் தற்போது விஜய் அரசியல் சார்ந்த படங்களில் அதிகமாக நடித்து வந்தாலும் அஜித் கமர்ஷியல் படங்களையே தேர்வு செய்து நடித்து வருகின்றார். என்னதான் தற்போது இவர்கள் இருவரும் தேர்ந்தெடுத்து நடித்து வரும் கதைக்களம் வித்யாசமாக இருந்தாலும் இவர்களுக்குள் போட்டி என்பது கண்டிப்பாக இருப்பதாகவே பலர் கருதி வருகின்றனர்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
குறிப்பாக இவ்விரு நடிகர்களின் ரசிகர்களும் மோதிக்கொள்வது அனைவராலும் ஏற்றுக்கொள்ள முடியாத விஷயமாக இருந்து வருகின்றது. இதை எப்படியாவது தடுத்து நிறுத்த வேண்டும் என பலர் குரல் கொடுத்தாலும் அது நடந்த பாடில்லை. ஆனால் என்னதான் ரசிகர்களால் அஜித் மற்றும் விஜய் போட்டி நடிகர்களாக பார்க்கப்பட்டாலும் இவர்கள் இருவருக்குள்ளும் நட்பு இருந்து வருகின்றது என் பல நட்சத்திரங்கள் சொல்லி கேட்டிருக்கின்றோம்.
ஒருமுறை பிரபல இயக்குனர் வெங்கட் பிரபு அஜித் விஜய்யை எப்படி அழைப்பார் என கூறியது இருவரின் ரசிகர்களையும் வியப்பில் ஆழ்த்தியது. மங்காத்தா படத்தின் படப்பிடிப்பின் போது ஒரு காட்சியில் திரையரங்கில் ஒரு பாடல் ஒலித்துக்கொண்டிருக்கும். அப்போது வெங்கட் பிரபு எந்த பாடலை போடலாம் என யோசித்துக்கொண்டிருக்கும் போது அஜித் தான், நம்ப தம்பி விஜய் பட பாடலை போடுங்க என கூறினார் என வெங்கட் பிரபு ஒரு பேட்டியில் கூறியுள்ளார்.
இதையடுத்து தான் விஜய் நடித்த காவலன் பட பாடலை வெங்கட் பிரபு அந்த காட்சியில் பயன்படுத்தியிருப்பார். எனவே விஜய்யை அஜித் எப்போதும் அன்பாக தம்பி என்று தான் அழைப்பாராம். இந்த தகவல் இரு ரசிகர்களையும் ஆச்சர்யத்தில் ஆழ்த்தியுள்ளது என்பது குறிப்பிடத்தக்கது