ஹோம் மேக்ஓவர் டேஸ்-வீட்டு மேம்பாட்டிற்கான தயாரிப்புகளுக்கு 70% வரை தள்ளுபடி கிடைக்கும்
Nayanthara in Maniratnam movie?: கமல் ஹாசனை வைத்து மணிரத்னம் இயக்கவிருக்கும் படத்தில் நயன்தாரா நடிக்கக்கூடும் என தகவல் வெளியாகியிருக்கிறது.
கே.ஹெச். 234மணிரத்னம் இயக்கத்தில் உலக நாயகன் கமல் ஹாசன் நடிப்பில் வெளியான நாயகன் படம் சூப்பர் டூப்பர் ஹிட்டானது. அதன் பிறகு மணிரத்னம் இயக்கத்தில் கமல் நடிக்கவில்லை. இந்நிலையில் 36 ஆண்டுகள் கழித்து மணிரத்னம், கமல் ஹாசன் கூட்டணி சேர்ந்திருக்கிறார்கள். அந்த படத்தை தற்போதைக்கு KH 234 என்று அழைக்கிறார்கள். படத்தின் ப்ரீ ப்ரொடக்ஷன் பணிகள் நடந்து வருகிறது.
நயன்தாராமணிரத்னம் படத்தில் கமல் ஹாசனுக்கு ஜோடியாக நடிக்குமாறு லேடி சூப்பர் ஸ்டார் நயன்தாராவிடம் பேச்சுவார்த்தை நடந்து வருவதாக தகவல் வெளியாகியிருக்கிறது. முன்னதாக ஆண்டவருடன் சேர்ந்து நடிக்குமாறு த்ரிஷாவிடம் கேட்டதாக செய்திகள் வெளியானது. முன்னதாக மன்மதன் அம்பு, தூங்காவனம் ஆகிய படங்களில் கமலுடன் நடித்திருந்தார் த்ரிஷா.
த்ரிஷாத்ரிஷாவுடன் பேச்சுவார்த்தை நடந்து வருகிறது என்று தகவல் வெளியான வேகத்தில் தற்போது நயன்தாராவிடம் கேட்டிருக்கிறார்களாம். அப்படி என்றால் KH 234 படத்தில் த்ரிஷாவும், நயன்தாராவும் சேர்ந்து நடிக்கிறார்களா என்கிற கேள்வி எழுந்துள்ளது. நயன்தாரா இதுவரை கமல் ஹாசனுடன் சேர்ந்து நடித்தது இல்லை. அதனால் கமலுடன் சேர்ந்து நடிக்க சம்மதிப்பார் என்று நம்பப்படுகிறது.
லேடி சூப்பர் ஸ்டார்மணிரத்னம் இயக்கத்தில் நயன்தாரா நடித்தது இல்லை. இந்நிலையில் அண்மையில் நடந்த விருது விழாவில் கலந்து கொண்ட நயன்தாராவுக்கு மணிரத்னம் விருது வழங்கி கவுரவித்தார். அப்பொழுது அவர் காலை தொட்டு கும்பிட்டார் நயன்தாரா. மேலும் மணி சார் இயக்கத்தில் நடிக்க ஆசையாக இருப்பதாக தெரிவித்தார். முன்பு மணி சார் பட வாய்ப்பு வந்தபோது நடிக்க முடியாமல் போனது என்று வருத்தப்பட்டார்.
Nayanthara: நயன்தாராவின் ஆசையை நிறைவேற்றி வைப்பாரா மணிரத்னம்?
ஆசைமணி சார் இயக்கத்தில் நடிக்க வேண்டும் என நயன்தாரா தெரிவித்த வேகத்தில் அவருக்கு ஒரு அரிய வாய்ப்பு கிடைத்திருக்கிறது. அந்த வாய்ப்பை பயன்படுத்திக்கொள்வாரா என்பதே ரசிகர்களின் கேள்வி. மணிரத்னமோ தற்போது தன் பொன்னியின் செல்வன் 2 படத்தை விளம்பரம் செய்து வருகிறார். பல்வேறு நகரங்களுக்கு சென்று படத்தை விளம்பரம் செய்து கொண்டிருக்கிறார்.
பொன்னியின் செல்வன் 2
பொன்னியின் செல்வன் 2 படம் ஏப்ரல் 28ம் தேதி ரிலீஸாகவிருக்கிறது. இந்நிலையில் ட்விட்டர் கணக்கில் தன் பெயரை குந்தவை என த்ரிஷா மாற்றினார். உடனே அவரின் ப்ளூ டிக் பறிபோனது. அதே போன்று ட்விட்டரில் தன் பெயரை அருண்மொழி வர்மன் என மாற்றிய ஜெயம் ரவியும் ப்ளூ டிக்கை இழந்துவிட்டார் என்பது குறிப்பிடத்தக்கது.
இந்தியன் 2கமல் ஹாசனோ ஷங்கர் இயக்கத்தில் இந்தியன் 2 படத்தில் நடித்திருக்கிறார். நயன்தாராவோ நிலேஷ் கிருஷ்ணா இயக்கத்தில் லேடி சூப்பர் ஸ்டார் 75 படத்தில் நடித்து வருகிறார். மேலும் அட்லி இயக்கத்தில் ஷாருக்கான் ஜோடியாக ஜவான் இந்தி படத்தில் நடித்துள்ளார். ஜவான் மூலம் பாலிவுட்டில் அறிமுகமாகிறார்.
Lady superstar 75: நயன்தாராவின் கெரியரில் முதல் முறையாக…