பெல்லன்வில வரலாற்று சிறப்புமிக்க விகாரையில் பிரதான விகாரையினுள் வரையப்பட்டுள்ள சுவரோவியங்களை அடிப்படையாக வைத்து ‘விஸுவல் பொயட்ரி ஒப் பெல்லன்வில’ ‘பெல்லன்விலயின் கவிதைக் காணொளி’ எனும் பெல்லன்வில சுவரேவியப் புகைப்படப் புத்தகம் அச்சிடப்பட்டு மக்கள் மயப்படுத்தும் நிகழ்வு இம்மாதம் 28ஆம் திகதி பண்டாரநாயக்க ஞாபகார்த்த மாநாட்டு மண்டபத்தில் பிற்பகல் 3மணிக்கு இடம்பெறவுள்ளதாக பெல்லன்வில ரஜமகா விகாரையின் விகாராதிபதி பேராசிரியர் பெல்லன்வில தம்மரதன தேரர் தெரிவித்தார்.
இன்று (20) அரசாங்க தகவல் திணைக்களத்தில் இடம்பெற்ற பெல்லன்வில சுவரோவிய புகைப்படப் புத்தகம் வெளியிடும் நிகழ்வு தொடர்பாக அறிவிக்கும் ஊடகவியலாளர் சந்திப்பின் போது அவர் இது தொடர்பாக கருத்துத் தெரிவித்தார்.
சம்மானீத விருது பெற்ற பேராசிரியர் சுனில் ஆரியரத்தின, சாருலதா விருது பெற்ற அபேசேகர, தெவராதந்திரி டபிள்யு. எம். கே. விஜயபண்டார, லால் ஹேகொட, சரத் பெரேரா, சம்மானீத பேராசிரியர் சரத் சந்திரஜீவ போன்றவர்களின் பங்களிப்புடன் இந்நூல் வெளியிடப்படவுள்ளது.
இந்நூலை மக்கள் மயப்படுத்தும் சந்தர்ப்பத்தில் காலஞ்சென்ற கௌரவார்க பேராசிரியர் பெல்லன்வில விமலரதன அனுநாயக தேரரை நினைவு கூறும் தபால் முத்திரை மற்றும் முதல் நாள் உறை ஆகியன வெளியிடப்படவுள்ளதுடன், இத்தனிச்சிறப்பு மிக்க விகாரையின் ஓவியத்திற்கு உயிர் கொடுத்த மாபெரும் கலைஞரான சோமபந்து வித்யாபதியின் பிறந்த நாள் நூற்றாண்டு விழாவும் நடைபெறவுள்ளது.