சிவகார்த்திகேயன் நடிப்பில் நீண்ட ஆண்டுகளாக தயாரிப்பில் இருக்கும் படம் ‘அயலான்’. இந்தப்படத்தின் ரிலீசுக்காக ரசிகர்கள் ஆர்வமுடன் காத்திருக்கின்றனர். பல வருடங்களாக கிடப்பில் கிடக்கும் இந்தப்படத்தின் ரிலீஸ் தேதியை படக்குழு லாக் செய்துள்ளது. இந்நிலையில் ‘அயலான்’ படத்தின் லேட்டஸ்ட் அப்டேட் சோஷியல் மீடியாவில் வைரலாகி வருகிறது.
ஹோம் மேக்ஓவர் டேஸ்-வீட்டு மேம்பாட்டிற்கான தயாரிப்புகளுக்கு 70% வரை தள்ளுபடி கிடைக்கும்
கடந்தாண்டு சிவகார்த்திகேயன் நடிப்பில் டான், பிரின்ஸ் படங்கள் வெளியானது. அறிமுக இயக்குனர் சிபி சக்கரவர்த்தி இயக்கத்தில் ரிலீசான ‘டான்’ படம் 100 வரை வசூல் சாதனை படைத்தது. இதனையடுத்து தமிழ், தெலுங்கில் சிவகார்த்திகேயன் நடிப்பில் வெளியான ‘பிரின்ஸ்’ படம் ஏகப்பட்ட நெகட்டிவ் விமர்சனங்களை குவித்தது. இதனால் ரசிகர்கள் கடும் அதிர்ச்சியடைந்தனர்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இதனையடுத்து தற்போது ‘மாவீரன்’ படத்தில் நடித்து வருகிறார் சிவகார்த்திகேயன். மடோன் அஸ்வின் இயக்கத்தில் ஏகப்பட்ட எதிர்பார்ப்புகளுக்கு மத்தியில் இந்தப்படம் உருவாகி வருகிறது. யோகி பாபு நடிப்பில் வெளியான ‘மண்டேலா’ படத்தின் மூலம் கவனம் ஈர்த்த மடோன் அஸ்வின் இயக்கத்தில் இந்தப்படம் உருவாகி வருகிறது.
‘மாவீரன்’ படத்தில் சிவகார்த்திகேயனுடன் பிரபல இயக்குனர் மிஷ்கின், அதிதி ஷங்கர், சரிதா, யோகி பாபு உள்ளிட்டோர் நடித்து வருகின்றனர். இதனிடையில் சிவகார்த்திகேயன் நடிப்பில் உருவாகியுள்ள ‘அயலான்’ படத்தை ரிலீஸ் செய்வதற்கான பணிகள் தற்போது தீவிரமாக நடந்து வருகிறது.
KH 234: நயன்தாராவை தொடர்ந்து ஆண்டவருடன் இணையும் பிரபல நடிகை: பரபரக்கும் கோலிவுட்.!
‘இன்று நேற்று நாளை’ படத்தின் மூலம் ரசிகர்கள் மத்தியில் கவனம் ஈர்த்த ரவிக்குமாரின் இரண்டாவது படைப்பாக ‘அயலான்’ படம் உருவாகியுள்ளது. இந்தப்படத்தில் சிவகார்த்திகேயனுடன் ரகுல் ப்ரீத் சிங், இஷா கோபிகார், கருணாகரன், யோகி பாபு உள்ளிட்டோர் நடித்துள்ளனர். இந்தப்படத்திற்கு இசைப்புயல் ஏ.ஆர். ரஹ்மான் இசையமைத்துள்ளார்.
Yaathisai Review: பொன்னியின் செல்வனுக்கு ஈடு கொடுத்ததா.?: ‘யாத்திசை’ படத்தின் முழு விமர்சனம்.!
இந்நிலையில் ‘அயலான்’ படத்தின் கிளிம்ப்ஸ் வீடியோ வெளியாகி சோஷியல் மீடியாவில் வைரலாகி வருகிறது. இந்தியாவில் உருவாகும் முதல் ஏலியன், சயின்ஸ் பிக்சர், கிராபிக்ஸ் படமாக பிரம்மாண்டமாக உருவாகியுள்ளது ‘அயலான்’. தற்போது வெளியாகியுள்ள கிளிம்ப்ஸ் வீடியோ படத்தின் மீது ரசிகர்கள் எதிர்பார்ப்பை எக்கச்சக்கமாக எகிற செய்துள்ளது. ‘அயலான்’ படம் வரும் தீபாவளிக்கு வெளியாகவுள்ளது குறிப்பிடத்தக்கது.