‘சிந்து சமவெளி’ படம் துவங்கி ‘ஆடை’ படம் வரை தொடர்ச்சியாக பல்வேறு சர்ச்சைகளை சந்தித்து வருபவர் நடிகை அமலா பால். கடந்த சில ஆண்டுகளாக சினிமா பட வாய்ப்புகள் இல்லாமல் தவித்த இவர் தற்போது ‘ஆடு ஜீவிதம்’ என்ற படத்தில் நடித்துள்ளார். இந்தப்படத்தில் லிப் லாக் காட்சியில் நடித்தது குறித்து விளக்கமளித்துள்ளார் நடிகை அமலா பால்.
ஹோம் மேக்ஓவர் டேஸ்-வீட்டு மேம்பாட்டிற்கான தயாரிப்புகளுக்கு 70% வரை தள்ளுபடி கிடைக்கும்
தமிழ் சினிமாவில் விஜய், தனுஷ், விக்ரம் உள்ளிட்ட முன்னணி நடிகர்களுக்கு ஜோடியாக நடித்துள்ளவர் அமலா பால். இவரும் பிரபல இயக்குனர் ஏ.எல். விஜய்யும் காதலித்து திருமணம் செய்து கொண்டனர். இதனையடுத்து திடீரென கடந்த 2016 ஆம் ஆண்டு இவர்கள் இருவரும் விவாகரத்து பெற்று பிரிந்தனர்.
விவாகரத்துக்கு பிறகு சினிமாவில் நடிப்பதில் ஆர்வம் காட்டி வருகிறார் அமலா பால். இந்நிலையில் தற்போது இவர் மலையாளத்தில் உருவாகியுள்ள ‘ஆடு ஜீவிதம்’ என்ற படத்தில் நடித்துள்ளார். இந்தப்படத்தில் பிரித்விராஜ் மனைவியாக நடித்துள்ளார்.
பிரபல மலையாள எழுத்தாளர் பெஞ்சமின் எழுதிய நாவலை மையமாக கொண்டு இந்தப்படம் உருவாகியுள்ளது. ப்ரித்விராஜ் ஜோடியாக அமலா பால் இந்தப்படத்தில் நடித்துள்ளார். இசைப்புயல் ஏ.ஆர். ரஹ்மான் ‘ஆடு ஜீவிதம்’ படத்திற்கு இசையமைத்துள்ளார். இந்தப்படத்தின் டிரெய்லர் அண்மையில் வெளியாகி ரசிகர்கள் மத்தியில் அமோக வரவேற்பை பெற்றது.
அதில் அமலா பால் லிப் லாக் காட்சியில் நடித்தது பலவித் சர்ச்சைகளை கிளப்பியது. இந்நிலையில் இதுக்குறித்து தற்போது அமலா பால் அளித்துள்ள விளக்கத்தில், ‘ஆடு ஜீவிதம்’ படத்தின் கதையை சொன்ன போதே லிப் லாக் காட்சி இருப்பதை பற்றி சொல்லிவிட்டார்கள். படத்தின் கதைக்கு தேவைப்பட்டதால் அந்த காட்சியில் நடிக்க ஒப்புக்கொண்டேன்.
இதற்கு முன்பாக கதைக்கு தேவைப்பட்டதால் ‘ஆடை’ படத்தில் நிர்வாணமாகவே நடித்தேன். கதைக்கு தேவைப்படுவது போல் நடிப்பதில் எனக்கு எந்த தயக்கமும் இல்லை. அதிலும் ஆடையே இல்லாமல் நடித்த எனக்கு லிப் லாக் காட்சியில் நடிப்பது எல்லாம் ஒரு விஷயமே இல்லை என செம்ம கூலாக பதிலளித்துள்ளார். அவரின் இந்த பதில் சோஷியல் மீடியாவில் படு வேகமாக வைரலாகி வருகிறது.