ஹோம் மேக்ஓவர் டேஸ்-வீட்டு மேம்பாட்டிற்கான தயாரிப்புகளுக்கு 70% வரை தள்ளுபடி கிடைக்கும்
வெற்றிநடைதமிழ் சினிமாவில் முன்னணி நடிகர்களில் ஒருவராக வலம் வந்துகொண்டிருக்கும் சிவகார்த்திகேயன் இடையில் தொடர் தோல்விகளை சந்தித்து வந்தார். இதன் காரணமாக அவரது மார்க்கெட் சற்று ஆட்டம் கண்டது. எனவே கட்டாயம் ஒரு வெற்றி தேவைப்பட்ட சமயத்தில் தான் நெல்சனின் டாக்டர் படம் வெளியாகி மாபெரும் வெற்றியை பெற்றது. நூறு கோடிக்கு மேல் வசூலித்த அப்படம் சிவகார்திகேயனின் மார்க்கெட்டை மீண்டும் நிலைநாட்டியது. இதையடுத்து சிபி சக்ரவர்த்தி இயக்கத்தில் வெளியான டான் திரைப்படம் மிகப்பெரிய வெற்றியை பெற மீண்டும் வெற்றிப்பாதைக்கு திரும்பினார் சிவகார்த்திகேயன்
புது கூட்டணிபிரின்ஸ் படத்தை அடுத்து சிவகார்த்திகேயன் மண்டேலா பட இயக்குனர் அஸ்வினுடன் கூட்டணி அமைத்துள்ளார். மாவீரன் என பெயரிடப்பட்ட இப்படத்தில் சிவகார்த்திகேயனுக்கு ஜோடியாக அதிதி ஷங்கர் நடித்து வருகின்றார். மண்டேலா படத்தை இயக்கியதற்காக தேசிய விருது பெற்ற அஸ்வினின் இயக்கத்தில் சிவகார்த்திகேயன் நடிக்கின்றார் என்றவுடன் படத்திற்கு எதிர்பார்ப்பு அதிகரித்தது. மேலும் இப்படம் சிவகார்த்திகேயனை அடுத்தகட்டத்திற்கு கொண்டு செல்லும் என்றும் எதிர்பார்க்கப்படுகின்றது. இந்நிலையில் மாவீரன் திரைப்படம் ஆகஸ்ட் 11 ஆம் தேதி திரையில் வெளியாகும் என அதிகாரபூர்வமாக அறிவிக்கப்பட்டுள்ளது
லைன் அப்ஸ்தற்போது மாவீரன் படத்தில் நடித்து முடித்துள்ள சிவகார்த்திகேயன் அடுத்ததாக ராஜ் கமல் பிலிம்ஸ் சார்பாக கமல் தயாரிப்பில் ஒரு படத்தில் நடிக்கவுள்ளார். ரங்கூன் படத்தை இயக்கிய ராஜ்குமார் பெரியசாமி இப்படத்தை இயக்குகிறார். மிகப்பெரிய பொருட்ச்செலவில் உருவாகும் இப்படம் ஒரு ராணுவ வீரரின் வாழ்க்கையை பற்றிய கதையாம். மேலும் இப்படம் சிவகார்த்திகேயனின் திரைவாழ்க்கையிலேயே மிக முக்கியமான படமாகவும் இருக்கும் என தகவல்கள் வருகின்றன. இதைத்தொடர்ந்து பிரபல இயக்குனர் ஏ.ஆர்.முருகதாஸின் இயக்கத்திலும் சிவகார்த்திகேயன் ஒரு படத்தில் நடிக்கவுள்ளார். விரைவில் இவர்கள் கூட்டணியை பற்றிய தகவல் அதிகாரபூர்வமாக அறிவிக்கப்படும் என எதிர்பார்க்கப்படுகின்றது
அயலான்இன்று நேற்று நாளை என்ற வெற்றிப்படத்தை கொடுத்து தமிழ் சினிமாவையே திரும்பிப்பார்க்க செய்த ரவிகுமாருடன் சிவகார்த்திகேயன் அயலான் படத்தின் மூலம் கூட்டணி அமைத்தார். கடந்த 2016 ஆம் ஆண்டு துவங்கப்பட்ட இப்படம் பல காரணங்களால் கிட்டத்தட்ட ஏழு வருடங்களாக ரிலீசாகாமல் தேங்கியது. மிகப்பெரிய எதிர்பார்ப்பில் உருவான இப்படம் தற்போது ஒருவழியாக இந்தாண்டு தீபாவளிக்கு வெளியாகவுள்ளது. இந்நிலையில் இப்படத்தை பற்றி பேசிய சிவகார்த்திகேயன், சைன்ஸ் பிக்ஷன் படங்களிலேயே இது சற்று வித்யாசமாக இருக்கும் என்றும், குழந்தைகளுக்கு மிகவும் பிடித்தமான படமாக அயலான் இருக்கும் என்றும் கூறியுள்ளார். மேலும் அயலான் திரைப்படம் மிகவும் பிரமாண்டமாகவும் இருக்கும் என்று சிவகார்த்திகேயன் கூறியுள்ளார். ஏ.ஆர் ரஹ்மான் இசையில் உருவான இப்படம் ரசிகர்களின் மத்தியில் மிகப்பெரிய எதிர்பார்ப்பை ஏற்படுத்தியுள்ளது. குறிப்பாக சமீபகாலமாக சைன்ஸ் பிக்ஷன் படங்களின் வரவு குறைந்துள்ளதால் இப்படம் சைன்ஸ் பிக்ஷன் ட்ரெண்டை மீண்டும் கொண்டுவரும் என எதிர்பார்க்கப்படுகின்றது