ஹோம் மேக்ஓவர் டேஸ்-வீட்டு மேம்பாட்டிற்கான தயாரிப்புகளுக்கு 70% வரை தள்ளுபடி கிடைக்கும்
சிவகார்த்திகேயனின் நடிப்பில் ஆகஸ்ட் மாதம் மாவீரன் திரைப்படம் திரையில் வெளியாகவுள்ளது. இதைத்தொடர்ந்து பல ஆண்டுகளாக கிடப்பில் கிடந்த அயலான் திரைப்படத்திற்கும் தற்போது விடிவிக்கலாம் பிறந்துள்ளது. கடந்த 2016 ஆம் ஆண்டு துவங்கப்பட்ட இப்படம் தற்போது ஒருவழியாக திரையில் தீபாவளி பண்டிகையை முன்னிட்டு வெளியாகவுள்ளது.
இன்று நேற்று நாளை என்ற வெற்றிப்படத்தை கொடுத்து தமிழ் சினிமாவை தன்பக்கம் திரும்பிப்பார்க்கச்செய்தார் இயக்குனர் ரவிக்குமார். என்னதான் இன்று நேற்று நாளை திரைப்படம் சைன்ஸ் பிக்ஷன் ஜானரில் இருந்தாலும் அனைத்து விதமான ரசிங்கர்களும் ரசிக்கும்படி சிறந்த கமர்ஷியல் படமாகவும் இருந்தது. அதன் காரணமாகவே அப்படம் மிகப்பெரிய வெற்றியை பெற்றது.
Rajini: ரஜினியால் டோட்டலாக மாறிய ஷங்கர்..தயக்கத்தை தகர்த்தெறிந்த தலைவர்..!
இதைத்தொடர்ந்து 2016 ஆம் ஆண்டு சிவகார்த்திகேயன் நடிப்பில் அயலான் என்ற படத்தை துவங்கினார் ரவிக்குமார். ஏ.ஆர்.ரஹ்மானின் இசையில் துவங்கிய இப்படம் மிகப்பெரிய எதிர்பார்ப்பை ஏற்படுத்தியது. ஆனால் கிராபிக்ஸ் வேலைகள், நிதி நெருக்கடிகள் என பல காரணங்களால் இப்படம் ஆறு ஆண்டுகளாக கிடப்பில் கிடந்தது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
அவ்வப்போது படத்தின் படப்பிடிப்பு நடைபெற்று வந்தாலும் இடையில் பல தடைகள் வந்தன. இருந்தாலும் உலகத்தரத்தில் உருவாகியுள்ள இப்படம் எப்போது வந்தாலும் ரசிகர்கள் அயலானுக்கு வரவேற்பு தருவார்கள் என படக்குழு அதீத நம்பிக்கை வைத்துள்ளது.
இந்நிலையில் தற்போது தீபாவளி பண்டிகையை முன்னிட்டு இபபடம் மிகப்பிரமாண்டமாக திரையில் வெளியாகவுள்ளது சிவகார்த்திகேயனின் ரசிகர்கள் மட்டுமல்லாமல் ஒட்டுமொத்த தமிழ் சினிமா ரசிகர்களையும் குஷியில் ஆழ்த்தியுள்ளது. இதையடுத்து அயலான் படத்தின் கிலிம்ப்ஸ் வீடியோவும் நேற்று வெளியாகி செம வரவேற்பை பெற்றது.
இதைத்தொடர்ந்து சமீபத்தில் இப்படத்தை பற்றி பேசிய தயாரிப்பாளர், அயலான் படத்தை இரண்டு பாகங்களாக உருவாக்க திட்டமிட்டுள்ளதாகவும், இரண்டு கோடி செலவு செய்து ஒரு ஏலியன் ஒன்றை உருவாகியுள்ளதாகவும் கூறியுள்ளார். அதனை அப்படியே பத்திரமாக வைத்துள்ளதாகவும், படத்தின் ப்ரோமோஷன் நிகழ்ச்சிகளில் அந்த ஏலியனை பயன்படுத்த இருப்பதாகவும் கூறியுள்ளார் தயாரிப்பாளர்.
இந்நிலையில் அயலான் படத்திற்கு மிகப்பெரிய வெற்றி கிடைக்கும் பட்சத்தில் இப்படத்தின் இரண்டாம் பாகம் விரைவில் உருவாகும் வாய்ப்பு அதிகரிக்கும் என எதிர்பார்க்கப்படுகின்றது குறிப்பிடத்தக்கது