ஹோம் மேக்ஓவர் டேஸ்-வீட்டு மேம்பாட்டிற்கான தயாரிப்புகளுக்கு 70% வரை தள்ளுபடி கிடைக்கும்
ரஜினி நடிப்பில் கடந்த 2002 ஆம் ஆண்டு மிகப்பெரிய எதிர்பார்ப்பில் வெளியான திரைப்படம் தான் பாபா. படையப்பா என்ற மாபெரும் வெற்றிப்படத்திற்கு பிறகு நான்கு ஆண்டுகள் கழித்து ரஜினி நடித்த படம் தான் பாபா.இப்படத்தை தானே தயாரித்து, கதை, திரைக்கதை எழுதியிருந்தார் ரஜினி. இதன் காரணமாகவே இப்படத்திற்கு மிகப்பெரிய எதிர்பார்ப்பு இருந்தது.
ஆனால் இப்படம் வெளியாகி ரசிகர்களின் எதிர்பார்ப்பை பூர்த்தி செய்ய தவறியது. மேலும் சில பல சர்ச்சைகளில் சிக்கிய பாபா திரைப்படம் நஷ்டத்தை ஏற்படுத்தியது. இதன் காரணமாக பாபா படத்தால் நஷ்டமடைந்த விநியோகஸ்தர்களுக்கு நஷ்டஈடு கொடுத்து அவர்களை காப்பாற்றினார் சூப்பர்ஸ்டார் ரஜினி.
Simbu: தீபாவளிக்கு என்ட்ரி கொடுக்கும் சிம்பு ? பக்க பலமாக இருக்கும் உலகநாயகன்..இது நம்ப லிஸ்ட்லயே இல்லையே..!
இப்படம் கடந்தாண்டு ரஜினியின் பிறந்தநாளை முன்னிட்டு டிஜிட்டல் முறையில் புதுப்பிக்கப்பட்டு ரீரிலீஸ் செய்யப்பட்டது. ரசிகர்கள் இம்முறை பாபா படத்திற்கு அமோகமான வரவேற்பை கொடுத்தனர். மேலும் இப்படத்தின் கிளைமாக்ஸ் மாற்றி அமைக்கப்பட்டது ரசிகர்களால் பெரிதும் ஏற்றுக்கொள்ளப்பட்டது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இந்நிலையில் தற்போது ரஜினியின் மற்றுமொரு திரைப்படம் ரீரிலீஸ் செய்யவிருப்பதாக தகவல்கள் வருகின்றன. ரஜினி மற்றும் பா.ரஞ்சித் கூட்டணியில் கடந்த 2016 ஆம் ஆண்டு வெளியான திரைப்படம் தான் கபாலி. இப்படத்தை தயாரிப்பாளர் தாணு மிகப்பிரம்மாண்டமாக தயாரித்திருந்தார்.
விமானத்திலேயே கபாலி படத்திற்கு விளம்பரம் செய்து அசத்தினார் தாணு. முழுக்க முழுக்க ரஞ்சித்தின் ஸ்டைலில் வெளியான இப்படம் கலவையான விமர்சங்களையே பெற்றது. இருந்தாலும் வசூலை பொறுத்தவரை மிகப்பெரிய வெற்றிப்படமாக கபாலி அமைந்தது.
ஆனால் கபாலி படத்தின் கிளைமாக்ஸ் காட்சி தான் ரசிகர்களுக்கு திருப்தியாக இல்லை என்ற ஒரு விமர்சனம் அப்போது எழுந்தது. ரஜினிக்கும் கபாலி கிளைமாக்ஸ் காட்சியில் உடன்பாடு இல்லை என ஒரு தகவல் பரவியது. இந்நிலையில் இப்படத்தின் கிளைமாக்ஸ் காட்சியை மாற்றி படத்தை மறு வெளியீடு செய்யவிருப்பதாக தயாரிப்பாளர் தாணு சமீபத்தில் கூறியுள்ளார்.
விரைவில் அதற்கான பணிகளை துவங்க இருப்பதாகவும் தெரிவித்துள்ளார் தாணு. இந்நிலையில் ரஜினி தற்போது நெல்சனின் இயக்கத்தில் ஜெயிலர் படத்தில் நடித்து முடித்த நிலையில் அடுத்ததாக தனது மகள் ஐஸ்வர்யா இயக்கத்தில் உருவாகும் லால் சலாம் படத்தில் கெஸ்ட் ரோலில் நடிக்கின்றார். இதைத்தொடர்ந்து ஞானவேல் இயக்கத்தில் தனது 170 ஆவது திரைப்படத்திலும் நடிக்கவுள்ளார் ரஜினி என்பது குறிப்பிடத்தக்கது.