தமிழ் சினிமாவின் அடுத்த பிரம்மாண்ட ரிலீசாக ‘பொன்னியின் செல்வன் 2’ படம் வெளியாகவுள்ளது. இந்தப்படத்தின் முதல் பாகம் வெளியாகி ஏகோபித்த வரவேற்பை பெற்ற நிலையில் தற்போது இரண்டாம் பாகம் ரிலீசாகவுள்ளது. இந்நிலையில் ‘பொன்னியின் செல்வன் 2’ படம் குறித்து நடிகர் பார்த்திபன் பேசியுள்ள விஷயம் சோஷியல் மீடியாவில் வைரலாகி வருகிறது.
ஹோம் மேக்ஓவர் டேஸ்-வீட்டு மேம்பாட்டிற்கான தயாரிப்புகளுக்கு 70% வரை தள்ளுபடி கிடைக்கும்
கல்கியின் வரலாற்று நாவலான பொன்னியின் செல்வன் அதே பெயரில் படமாக்கியுள்ளார் மணிரத்னம். இந்த நாவலை படமாக்க வேண்டும் என பலர் விரும்பி அது முடியாமல் போன நிலையில் பலரின் கனவை மணிரத்னம் நிறைவேற்றினார். பொன்னியின் செல்வன் படத்தின் முதல் பாகம் கடந்தாண்டு வெளியாகி படம் பார்த்தவர்கள், பார்க்காதவர்கள் என அனைவரையும் திருப்திபடுத்தியது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
தமிழ், மலையாளம், தெலுங்கு, கன்னடம் மற்றும் இந்தி மொழிகளில் ‘பொன்னியின் செல்வன்’ முதல் பாகம் வெளியாகி ரசிகர்கள் மத்தியில் அமோக வரவேற்பினை பெற்றது. இதில் விக்ரம் ஆதித்ய கரிகாலனாகவும், ஜெயம் ரவி அருண்மொழி வர்மனாகவும், கார்த்தி வந்தியத்தேவனாகவும், ஐஸ்வர்யா நந்தினியாகவும், திரிஷா குந்தவையாகவும் நடித்திருந்தனர். இவர்களுடன் சரத்குமார், பார்த்திபன், பிரகாஷ் ராஜ், பிரபு, லால் உள்ளிட்ட மிகப்பெரிய நட்சத்திர பட்டாளங்களே நடித்திருந்தனர்.
இந்நிலையில் ‘பொன்னியின் செல்வன் 2’ படம் நாளை வெளியாகவுள்ளது. கடந்த சில நாட்களாக படக்குழுவினர் மும்முரமாக புரமோஷனை நடத்திய நிலையில் நாளை படம் வெளியாகவுள்ளதால் ரசிகர்கள் எக்கச்சக்க எதிர்பார்ப்பில் உள்ளனர். இந்நிலையில் ‘பொன்னியின் செல்வன் 2’ படத்தின் கடைசி புரமோஷன் இன்று சென்னையில் நடந்தது. இதில் கலந்துக்கொண்ட நடிகர் பார்த்திபனின் பேச்சு இணையத்தில் செம்ம வைரலாகி வருகிறது.
Rajinikanth: மகள் ஐஸ்வர்யாவை பாராட்டி தள்ளியுள்ள ரஜினி: என்ன காரணம் தெரியுமா..?
அதில், இப்போ நான் வைரல் ஆகுற மாதிரி பேசனும்னா ஐடி ரெய்டு பத்தி தான் பேசணும். ஸ்கொயரா சொல்லல. ரவுண்டாவே சொல்றேன். நாளைல இருந்து ஒரு ஆயிரம் கோடி ரூபாய் எங்கயாவது ரெய்டு பண்ணனும்னு தோணுச்சுன்னா ‘பொன்னியின் செல்வன் 2’ திரையிடப்படும் தியேட்டருக்கு போங்க. கண்டிப்பா இந்த வாரம் ரூ. 1000 கோடி வசூலிக்கும் படமாக ‘பொன்னியின் செல்வன் 2’ இருக்கும்.
மணி சார் இந்தப்படத்துக்காக எந்தளவு உழைப்பை கொட்டியிருக்கிறார் என்பதை விட, இந்தப்படத்தின் புரமோஷனுக்காக நிறைய வார்த்தைகளை கொட்டி இருக்கார். அவர் இவ்வளவு பேசி யாருமே பார்த்து இருக்க மாட்டாங்க. சுஹாசினியே பார்த்த்திருக்க மாட்டாங்க என கலகலப்பாக பேசியுள்ளார் பார்த்திபன். அவரின் இந்த பேச்சு தற்போது இணையத்தில் வைரலாகி வருகிறது.
PS 2: ‘பொன்னியின் செல்வன் 2’ ரிலீசில் திடீர் மாற்றம்: ரசிகர்கள் அதிர்ச்சி..!