பாலிவுட் நடிகர் சல்மான் கான் துபாயில் நடந்த பார்ட்டி ஒன்றில் கலந்து கொள்வதற்காகச் சென்றிருந்தார். அவர் நேற்று மாலையில் மும்பை திரும்பினார். விமான நிலையத்தில் சல்மான் கானை பார்க்கத் திரளான ரசிகர்கள் கூடியிருந்தனர்.
இதனால் சல்மான் கான் தனது சொந்த பாதுகாவலர்களின் துணையோடு விமான நிலையத்தை விட்டு வெளியில் வந்தார். அந்நேரம் ரசிகர் ஒருவர் சல்மான் கானிடம் கைகுலுக்க முயன்றார். உடனே அவரை சல்மான் கான் கோபத்தில் பார்த்தார். அதோடு அந்த ரசிகருக்கு சல்மான் கான் கைகொடுக்கவில்லை. இதனால் சல்மான் கானின் பாதுகாவலர் ஷெரா அந்த ரசிகரை பிடித்துத் தள்ளிவிட்டார்.
ரசிகர் அந்த இடத்தில் இருந்து சென்ற பிறகும் சல்மான் கான் இறுக்கமான முகத்துடன் காணப்பட்டார். துபாய் நிகழ்ச்சியில் சல்மான் கான் ரசிகர்களுடன் உற்சாகமாக கலந்து கொண்டார். திருமணம் உட்பட பல்வேறு கேள்விகளை ரசிகர்கள் சல்மான் கானிடம் கேட்டனர். அவரும் முகம் சுழிக்காமல் அனைத்து கேள்விகளுக்கும் பதிலளித்தார். ஆனால் மும்பை விமான நிலையத்தில் ரசிகர்களிடம் மிகவும் கோபமாக நடந்து கொண்டது அனைவருக்கும் அதிர்ச்சியை ஏற்படுத்தும் விதமாக இருந்தது. சல்மான் கான் நடிப்பில் சமீபத்தில் ரம்ஜான் பண்டிகையையொட்டி Kisi Ka Bhai Kisi Ki Jaan (கிஷி கா பாய் கிஷி கி ஜான்) படம் வெளியானது.