ஹோம் மேக்ஓவர் டேஸ்-வீட்டு மேம்பாட்டிற்கான தயாரிப்புகளுக்கு 70% வரை தள்ளுபடி கிடைக்கும்
அஜித் நடிப்பில் வினோத்தின் இயக்கத்தில் பொங்கல் பண்டிகையை முன்னிட்டு துணிவு திரைப்படம் வெளியானது. ரசிகர்களின் பேராதரவை பெற்ற இப்படம் மிகப்பெரிய வெற்றியை பெற்றது. இதைத்தொடர்ந்து அதே வேகத்தில் தன் அடுத்த படத்தை துவங்க திட்டமிட்டார். விக்னேஷ் சிவன் இயக்கத்தில் AK62 படத்தில் நடிக்க இருந்தார் அஜித்.
ஆனால் திடீரென விக்னேஷ் சிவனின் கதை பிடிக்கவில்லை என்ற காரணத்தால் விக்னேஷ் ஷிவனை அதிரடியாக நீக்கிவிட்டனர். இது கோலிவுட் வட்டாரத்தையே அதிர்ச்சியாக்கியது. இதைத்தொடர்ந்து மகிழ் திருமேனியை தன் அடுத்த படத்தின் இயக்குனராக ஒப்பந்தம் செய்தார் அஜித்.
AK62: அஜித்தை வைத்து படம் எடுக்காதீர்கள் என்றார்கள்..உண்மையை உடைத்த தயாரிப்பாளர்..!
தற்போது கதையை தயார் செய்யும் பணியில் தீவிரமாக ஈடுபட்டு வருகின்றார் மகிழ் திருமேனி. அஜித்திற்கு ஏற்றாற்போல செம ஸ்டைலான திரில்லர் ஜானரில் கதையை மகிழ் திருமேனி தயார் செய்து வருவதாக தகவல்கள் வருகின்றன.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இந்நிலையில் விக்னேஷ் சிவனின் விஷயத்தில் ஏற்பட்ட தவறு இம்முறை ஏற்பட்டுவிட கூடாது என்பதற்காக ஒவ்வொரு விஷயத்தையும் பார்த்து பார்த்து செய்து வருகின்றார் அஜித். முழு கதையையும் ரெடி செய்தபின்னர் தான் படத்தின் அதிகாரபூர்வமாக அறிவிப்பை வெளியிடவேண்டும் என கூறிவிட்டார்.
மேலும் கதையில் பல திருத்தங்களை கூறி வருகிறாராம் அஜித். எனவே அஜித் இவ்வாறு கூடுதல் கவனம் செலுத்தி வருவதால் இப்படம் தரமாக இருக்கும் என கோலிவுட் வட்டாரத்தில் பேசி வருகின்றனர். இந்நிலையில் அஜித் படக்குழுவிடம் இனி AK62 என குறிப்பிட வேண்டாம் என கூறிவிட்டாராம்.
விக்னேஷ் சிவனை நீக்கிய பிறகு நம் படத்தை AK62 என குறிப்பிட வேண்டாம் எனவும், அஜித்தின் அடுத்த படம், லைக்காவின் அடுத்த படம் என குறிப்பிட்டால் போதும் எனவும் கூறிவிட்டாராம் அஜித். ஏனென்றால் AK62 என்றாலே அனைவர்க்கும் அஜித் மற்றும் விக்னேஷ் சிவன் கூட்டணி தான் ஞாபகத்திற்கு வரும் என்பதால் அஜித் இந்த முடிவை எடுத்துள்ளதாக தெரிகின்றது.
ஆனால் இது எந்தளவிற்கு உண்மை என தெரியவில்லை. இந்நிலையில் அஜித் தற்போது நேபால் பகுதியில் பைக்கில் சுற்றுலா சென்றுள்ளார். அதன் புகைப்படங்கள் தற்போது இணையத்தில் செம வைரலாகி வருகின்றது. இந்த சுற்றுலா முடிந்த பிறகு தன் அடுத்த படத்தின் படப்பிடிப்பில் அஜித் கலந்துகொள்வார் என எதிர்பார்க்கப்படுகின்றது.