வெற்றிமாறன் இயக்கத்தில் மிக நீண்ட எதிர்பார்ப்பிற்கு மத்தியில் கடந்த மார்ச் மாதம் வெளியான படம் ‘விடுதலை’. ரசிகர்கள் மத்தியில் பெரும் வரவேற்பை பெற்ற இந்தப்படம் திரையுலக பிரபலங்களின் பாராட்டு மழையிலும் நனைந்தது. திரையரங்குகளில் அமோக வரவேற்பை பெற்ற ‘விடுதலை பார்ட் 1’ தற்போது ஓடிடி தளத்தில் வெளியாகியுள்ளது.
ஹோம் மேக்ஓவர் டேஸ்-வீட்டு மேம்பாட்டிற்கான தயாரிப்புகளுக்கு 70% வரை தள்ளுபடி கிடைக்கும்
தமிழ் சினிமாவில் தனது அழுத்தமான படைப்புகளின் மூலம் கவனம் ஈர்ப்பவர் வெற்றிமாறன். இவரது மேக்கிங் ஸ்டைலுக்கு என்று தனியொரு ரசிகர்கள் பட்டாளம் உள்ளது. இவரது இயக்கத்தில் வெளியாகும் படங்கள் அனைத்தும் பாக்ஸ் ஆபிசில் பட்டையை கிளப்பும். மேலும், இதுவரையில் எந்தவொரு பிளாப் படமும் கொடுக்காமல் வெற்றிகரமான இயக்குனராக வலம் வருகிறார் வெற்றிமாறன்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
மேலும், தனது படங்களின் வாயிலாக தொடர்சியாக சமூக பிர்ச்சனைகள் குறித்தும் பேசி வருகிறார். தனுஷ் நடிப்பில் வெளியான ‘அசுரன்’ படத்தின் வெற்றியை தொடர்ந்து சூரியை கதையின் நாயகனாக கொண்டு ‘விடுதலை’ படத்தை இயக்க ஆரம்பித்தார் வெற்றிமாறன். அவருடன் விஜய் சேதுபதியும் முக்கியமான கதாபாத்திரத்தில் நடிக்க கமிட் ஆனார்.
நீண்ட காலமாக இதன் படப்பிடிப்பு அமோகமாக நடந்து வந்தது. ஜெயமோகனின் ‘துணைவன்’ எனும் நாவலை மையமாக வைத்து ‘விடுதலை’ படத்தின் திரைக்கதையை அமைத்தார் வெற்றிமாறன். காவல்துறையின் கோர முகத்தை தோலுரித்து காட்டும் விதமாக இந்தப்படத்தை இயக்கினர் வெற்றிமாறன். சூரி குணசேகரன் என்ற சாந்தமான கான்ஸ்டபிளாகவும், விஜய் சேதுபதி ‘வாத்தியாராகவும் நடித்திருந்தனர்.
Pichaikkaran 2: போடு வெடிய.. ‘பிச்சைக்காரன் 2’ படத்தின் அதிரடி அப்டேட்: வேறலெவல் சம்பவம்.!
கடந்த மார்ச் 31 ஆம் தேதி வெளியான ‘விடுதலை’ படத்தின் முதல் பாகம் பலரின் பாரட்டுக்களை அள்ளியது. அரசியல் கட்சி தலைவர்கள், திரையுலக பிரபலங்கள் என பலரின் பாராட்டுக்களை குவித்தது. வசூலிலும் இந்தப்படம் மிகப்பெரிய சாதனையை படைத்தது.
PS 2: வெற்றிக்கொடி நாட்டினார்களா சோழர்கள்.?: ‘பொன்னியின் செல்வன் 2’ ட்விட்டர் விமர்சனம்.!
திரையரங்குகளில் கிடைத்த வரவேற்பினை தொடர்ந்து தற்போது ஓடிடி தளத்தில் வெளியாகியுள்ளது ‘விடுதலை பார்ட் 1’. ஜீ5 தளத்தில் ரிலீசாகியுள்ள இந்தப்படத்தில் திரையரங்குகளில் வெளியாகாத டைரக்டர்ஸ் கட் காட்சிகளையும் கூடுதலாக இணைத்து வெளியிட்டுள்ளனர். இதனால் ரசிகர்கள் இன்பதிர்ச்சி அடைந்துள்ளனர். திரையரங்கை போல ஓடிடியிலும் ‘விடுதலை பார்ட் 1’ மாஸ் காட்டும் என எதிர்பார்க்கப்பட்டுகிறது.