IPL 2023 RCB vs RR: நடப்பு தொடரின் 32ஆவது லீக் போட்டி பெங்களூரு சின்னசாமி மைதானத்தில் இன்று மாலை நடைபெற்றது. இதில், ராயல் சேலஞ்சர்ஸ் பெங்களூரு, ராஜஸ்தான் ராயல்ஸ் அணிகள் மோதின. டாஸ் வென்ற ராஜஸ்தான் அணி கேப்டன் சஞ்சு சாம்சன், முதலில் பந்துவீச்சை தேர்வு செய்தது. இப்போட்டியிலும், விராட் கோலி ஆர்சிபியின் கேப்டனாக செயல்பாட்டார்.
அதன்படி, பேட்டிங் செய்ய களமிறங்கிய ஆர்சிபி அணிக்கு முதல் பந்தே மிகவும் அதிர்ச்சிகரமாக அமைந்தது. போல்ட் வீசிய அந்த பந்தில், விராட் கோலி அவுட்டானார். அது ஐபிஎல் தொடரில் போல்ட்டின் 100ஆவது விக்கெட்டாகவும் அமைந்தது. தொடர்ந்து, ஷாபாஸ் அகமதும் 2 ரன்களில் ஆட்டமிழந்து அதிர்ச்சி அளித்தார். இருப்பினும், அதன் பிறகு ஓப்பனர் டூ பிளேசிஸ், மேக்ஸ்வெல் ஆகியோர் அதிரடியைக் கைக்கொண்டனர்.
A timely wicket that!
Shahbaz Ahmed takes a sharp catch to dismiss the #RR skipper
Equation 45 off 18 now.
Follow the matchhttps://t.co/j56FWB88GA #TATAIPL | #KKRvCSK pic.twitter.com/HlP7cCHqQE
— IndianPremierLeague (@IPL) April 23, 2023
இந்த ஜோடி சுமார் 11 ஓவர்கள் நிலைத்து நின்று ஆடி, 127 ரன்களை சேர்த்தனர். டூ பிளேசிஸ் 62 ரன்களுடனும், சிறிது நேரத்திலேயே மேக்ஸ்வெல் 77 ரன்களுடனும் பெவிலியன் திரும்பினர். மேக்ஸ்வெல் 15 ஓவரில் ஆட்டமிழந்தபோது, ஸ்கோர் 156 ஆக இருந்தது. ஆனால், அவர்களுக்கு பின் களமிறங்கிய யாரும் அதிரடி காட்டாததால், அந்த அணி 20 ஓவர்கள் முடிவில் 9 விக்கெட்டுகளை இழந்து 189 ரன்களை மட்டுமே எடுத்தது. அதாவது கடைசி 5 ஓவர்களில் 33 ரன்களை மட்டுமே எடுத்து, 5 விக்கெட்டுகளையும் இழந்தனர். ராஜஸ்தான் ராயல்ஸ் சார்பில் போல்ட், சந்தீப் சர்மா ஆகியோர் தலா 2 விக்கெட்டுகளை கைப்பற்றினர்.
190 ரன்கள் இலக்குடன் களமிறங்கிய ராஜஸ்தான் அணிக்கு பட்லர் முதல் ஓவரிலேயே ஆட்டமிழந்து அதிர்ச்சி அளித்தார். இருப்பினும், ஜெய்ஸ்வால் 47, படிக்கல் 52 ரன்கள் எடுத்து சிறப்பான அடித்தளத்தை அமைத்தனர். சஞ்சு சாம்சன் அதிரடி காட்டுவார் என எதிர்பார்க்கப்பட்டபோது, அவரும் 22 ரன்களில் ஆட்டமிழக்க ராஜஸ்தான் தடுமாற தொடங்கியது.
20 off 6. Who wins this? #TATAIPL | #RCBvRR
— IndianPremierLeague (@IPL) April 23, 2023
அடுத்து வந்த ஜூரேல் அதிரடி காட்டினார். மறுப்புறம் ஹெட்மயர் 3 ரன்களில் ஆட்டமிழந்து சொதப்பினார். இதனால், கடைசி ஓவருக்கு 20 ரன்கள் ராஜஸ்தான் வெற்றிக்கு தேவைப்பட்டது. 4, 2, 4 என முதல் மூன்று பந்துகளில் 10 ரன்கள் எடுக்கப்பட்டாலும், 4ஆவது பந்தில் அஸ்வினை அவுட்டாக்கி ஹர்ஷல் படேல் விக்கெட்டை கைப்பற்றினார்.
அடுத்த இரண்டு பந்துகளிலும் அந்த அணியால் 2 ரன்களை மட்டுமே எடுக்க முடிந்தது. இதன்மூலம், 7 ரன்கள் வித்தியாசத்தில் ராயல் சேலஞ்சர்ஸ் பெங்களூரு அணி, ராஜஸ்தான் ராய்ல்ஸ் அணியை வீழ்த்தியது. ஜூரேல் 34 ரன்களுடன் ஆட்டமிழக்காமல் இருந்தார், ஹர்ஷல் படேல் 3 விக்கெட்டுகளை கைப்பற்றினார். மேக்ஸ்வெல் ஆட்டநாயகன் விருதை வென்றார்.
பெங்களூரு அணி, 7 போட்டிகளில் விளையாடி (4 வெற்றி, 3 தோல்வி) 8 புள்ளிகளுடன் 5ஆவது இடத்திலும், ராஜஸ்தான் அணி 7 போட்டிகளில் விளையாடி (4 வெற்றி, 3 தோல்வி) 8 புள்ளிகளுடன் ரன்ரேட் அடிப்படையில் முதலிடத்திலும் உள்ளன.