சென்னை: Siva Manasula Sakthi 2 (சிவா மனசுல சக்தி 2 )சிவா மனசுல சக்தி படத்தின் இரண்டாம் பாகம் உருவாகவிருப்பதாக தகவல் வெளியான சூழலில் அதுகுறித்து இயக்குநர் எம்.ராஜேஷ் விளக்கமளித்திருக்கிறார்.
இயக்குநர் எஸ்.ஏ.சந்திரசேகரிடம் உதவி இயக்குநராக இருந்தவர் எம்.ராஜேஷ். பல வருடங்கள் அவரிடம் உதவி இயக்குநராக இருந்தவர் சிவா மனசுல சக்தி என்ற படத்தின் மூலம் இயக்குநராக அறிமுகமானார். ஜீவா, அனுயா, சந்தானம், ஊர்வசி உள்ளிட்டோர் நடிப்பில் 2009ஆம் ஆண்டு வெளியானது. யுவன் ஷங்கர் ராஜா இசையமைத்திருந்தார்.
மெகா ஹிட்டான எஸ்.எம்.எஸ்: ஜீவாவின் கேரியரில் மிக மிக முக்கிய படமாக சிவா மனசுல சக்தி படம் அமைந்தது. பக்கா கமர்ஷியல் எண்ட்டெர்டெயினர் படமாக உருவாகியிருந்த அப்படத்தில் சந்தானத்தின் காமெடி, ஜீவாவின் நடிப்பு என அனைத்துமே பக்காவாக பொருந்தியது. குறிப்பாக அதில் ஜீவா பேசிய பல வசனங்கள் இன்றுவரை பலரது ஃபேவரைட். குறிப்பாக சிவா மனசுல சக்தி படத்தில் நடித்ததன் மூலம்தான் ஜீவா இளைஞர்களிடம் அதிகம் கனெக்ட் ஆனார்.
பாஸ் என்கிற பாஸ்கரன்: முதல் படத்தின் பிரமாண்ட வெற்றிக்கு பிறகு ஆர்யாவை வைத்து பாஸ் என்கிற பாஸ்கரன் படத்தை இயக்கினார் ராஜேஷ். அந்தப் படத்தில் நயன்தாரா உள்ளிட்டோர் நடித்திருந்தனர். இந்தப் படத்திலும் காமெடி அதகளமாக ஒர்க் அவுட் செய்ய படம் மெகா ஹிட்டானது. இதனையடுத்து கோலிவுட்டில் முன்னணி இயக்குநர் பெயரை பெற்றார் ராஜேஷ்.
ஒரு கல் ஒரு கண்ணாடிதான் கடைசி: உதயநிதி ஸ்டாலினை அறிமுகப்படுத்திய ராஜேஷ் அவரை வைத்து ஒரு கல் ஒரு கண்ணாடி படத்தை இயக்கினார். அந்தப் படம் சுமாராக ஓடினாலும் சந்தானத்தின் காமெடியால் உதயநிதிக்கு நல்ல அறிமுக படமாக அமைந்தது.அதனையடுத்து அவர் இயக்கிய வாசுவும் சரவணனும் ஒன்னா படிச்சவங்க, ஆல் இன் ஆல் அழகு ராஜா உள்ளிட்ட படங்கள் படுதோல்வியை சந்தித்தன. எனவே ஒரு கல் ஒரு கண்ணாடிதான் ராஜேஷ் கொடுத்த கடைசி ஹிட் என கருதப்படுகிறது.
ஜெயம் ரவியுடன் ராஜேஷ்: ராஜேஷ் இப்போது ஜெயம் ரவியை வைத்து படம் இயக்கிவருகிறார் இந்தப் படமானது ரவிக்கு 30ஆவது படமாக அமைகிறது. இதில் ஜெய்ம் ரவிக்கு ஜோடியாக ப்ரியங்கா மோகன் நடிக்கிறார். முதல் ஷெட்யூல் முடிந்த சூழலில் இரண்டாவது ஷெட்யூலுக்கான லொகேஷன் தேர்வில் பிஸியாக இருக்கிறார் ராஜேஷ். அதுமட்டுமின்றி, ஹன்சிகா மோத்வானியை வைத்து வெப் சீரிஸ் ஒன்றையும் இயக்கிவருகிறார் அவர்.
சிவா மனசுல சக்தி 2: இந்நிலையில் சிவா மனசுல சக்தி படத்தின் இரண்டாம் பாகம் விரைவில் உருவாகவிருப்பதாக தகவல்கள் வெளியாகின. ஆனால் ஜீவாவுடன் இன்னொரு படத்தில் தான் இணையவிருப்பதாகவும், அது சிவா மனசுல சக்தி படத்தின் இரண்டாம் பாகமாக இருக்காது எனவும் ராஜேஷ் தனியார் ஊடகம் ஒன்றுக்கு அளித்த பேட்டியில் விளக்கமளித்திருக்கிறார்.
அதேபோல் அந்தப் பேட்டியில், ஜெயம் ரவியுடனான 30ஆவது படத்தின் படப்பிடிப்பு முடிச்சதும்தான் அடுத்த படத்திற்கான வேலைகள் தொடங்கும். நான் ஜீவாவிடம் பேசிவருவதுதான் ‘எஸ்.எம்.எஸ் – 2’ ஆக பரவியிருக்கிறது என்றும் அவர் குறிப்பிட்டிருக்கிறார்.