ஹோம் மேக்ஓவர் டேஸ்-வீட்டு மேம்பாட்டிற்கான தயாரிப்புகளுக்கு 70% வரை தள்ளுபடி கிடைக்கும்
மணிரத்னத்தின் கனவுப் படமான பொன்னியின் செல்வன் 2 இன்று தியேட்டர்களில் ரிலீஸாகியிருக்கிறது. படம் பார்த்த அனைவரும் பாராட்டிக் கொண்டிருக்கிறார்கள். பொன்னியின் செல்வன் 2 பற்றி சமூக வலைதளங்களில் நல்லவிதமாக பேசுகிறார்கள்.
வைரமுத்துவை பங்கமாய் கலாய்த்த பாரதிராஜா!
பொன்னியின் செல்வனை விட அதன் இரண்டாம் பாகம் அருமை என்கிறார்கள் படம் பார்த்தவர்கள். குந்தவை த்ரிஷாவை பார்த்து ரசிக்கவே ஒரு பெரிய கூட்டம் தியேட்டர்களுக்கு சென்று கொண்டிருக்கிறது. கம்பீரமாக இருக்கும் குந்தவை அனைவரையும் கவர்ந்துவிட்டார்.
பொன்னியின் செல்வன் 2 விமர்சனம்
ரிலீஸுக்கு முன்னதாக பொன்னியின் செல்வன் 2 படம் பற்றி பேட்டி அளித்தார் த்ரிஷா. அந்த பேட்டியில் அவர் கூறியதாவது,
ஜெயலலிதா அம்மாவை பற்றி நினைத்துக் கொள் என்றார் மணி சார். நாம் எல்லாம் சென்னையை சேர்ந்தவர்கள், அவரை பார்த்து தான் வளர்ந்தோம், அவர் படங்களை பார்த்திருக்கிறோம், முதல்வராக அவர் எப்படி என பார்த்திருக்கிறோம் என்றார்.
த்ரிஷாவாக இருப்பதை நிறுத்து, அவரை பற்றி நினை என்று கூறினார் மணி சார். அவர் எப்படி நடப்பார், எப்படி பேசுவார் என்று நினைத்துப் பார். தன் உணர்ச்சிகளை பெரிதாக வெளிப்படுத்த மாட்டார். அப்படித் தான் குந்தவையும் என்றார்.
அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும்
அதன் பிறகு நான் ஜெயலலிதா அம்மா பற்றி நினைக்கத் துவங்கிவிட்டேன். அவரின் வீடியோக்கள், படங்களை நிறைய பார்த்தேன். அதை தான் மணி சாரும் விரும்பினார். அவரின் வீடியோக்களை பார்த்தது உதவியாக இருந்தது.
அவர் எப்படி நடப்பார், பேசுவார், அவரின் பாடி லாங்குவேஜ் எல்லாம் அனைவருக்கும் தெரியும். அவர் எப்பொழுதுமே ஒரு ராணி போன்று இருந்தார் என்றார்.
த்ரிஷாவின் பேட்டியை பார்த்தவர்களோ, அம்மானா சும்மாவா?. அவர் தான் கம்பீரமானவராச்சே. தற்போது தான் தெரிகிறது த்ரிஷாவின் கம்பீரத்திற்கான ரகசியம். நீங்கள் அருமையாக நடித்திருக்கிறீர்கள். அம்மாவை மிஸ் பண்ணுகிறோம் என தெரிவித்துள்ளனர்.
பொன்னியின் செல்வன் 2 பட விளம்பர நிகழ்ச்சிகளில் எல்லாம் தனித்து தெரிந்தார் த்ரிஷா. அவர் சுடிதார் அணிந்தாலும் சரி, சேலை அணிந்தாலும் சரி பேரழகாக இருந்தார். அவர் அழகை பற்றியே ரசிகர்கள் பேசிக் கொண்டிருக்கிறார்கள். இதனால் த்ரிஷா என்கிற ஹேஷ்டேக் ட்விட்டரில் தினமும் டிரெண்டானது. இன்றும் கூட ட்ரெண்டாகியிருக்கிறது.
Ponniyin Selvan 2: பொன்னியின் செல்வன் 2 படத்தை ஒத்த வார்த்தையில் விமர்சித்த ரசிகர்கள்: என்ன வார்த்தை தெரியுமா?
பொன்னியின் செல்வன் 2 நிகழ்ச்சிகளின்போது த்ரிஷாவுக்கு ஒரேயொரு சங்கடம் தான் ஏற்பட்டது. அவர் மேடைக்கு வந்தாலே அவரை பேசவிடாமல் லியோ அப்டேட் கேட்டு தளபதி விஜய் ரசிகர்கள் கோஷமிட்டார்கள்.
லியோ பற்றி எந்த அப்டேட்டும் கொடுக்கக் கூடாது த்ரிஷா என லோகேஷ் கனகராஜ் ஆர்டர் போட்டுவிட்டாராம். இதனால் ரசிகர்கள் கேட்ட போது எல்லாம் சிரித்து மழுப்பினார். உங்கள் தளபதி நலமாக இருக்கிறார். படப்பிடிப்பு விறுவிறுப்பாக நடக்கிறது.
லியோ படம் அக்டோபர் மாதம் ரிலீஸாகிறது. அந்த பட நிகழ்ச்சிகளின்போது லியோ பற்றி நிறைய பேசலாம் என்று கூறி ரசிகர்களை சமாதானம் செய்தார் த்ரிஷா.
பொன்னியின் செல்வன் 2 இன்று ரிலீஸாகியிருப்பதை அடுத்து மீண்டும் லியோ படப்பிடிப்பில் கலந்துகொள்ளவிருக்கிறார் த்ரிஷா.
லோகேஷ் கனகராஜ் இயக்கத்தில் விஜய் நடித்து வரும் லியோ படத்தில் அவருக்கு மனைவியாக நடிக்கிறாராம் த்ரிஷா.