கமல்ஹாசனை அழைத்த ராகுல் காந்தி: கர்நாடகாவில் களைகட்டும் பிரச்சாரம்!

கர்நாடகத் தேர்தலுக்கு கமல்ஹாசனிடம் ராகுல் காந்தி ஆதரவு கேட்டுள்ள நிலையில் கர்நாடகா சென்று பிரச்சாரத்தில் ஈடுபட உள்ளதாக தகவல் வெளியாகியுள்ளது.

கமல்ஹாசன் – ராகுல் காந்தியின் சுவாரசிய உரையாடல்.

நேற்று (ஏப்ரல் 28) மதியம் கோவையில் மக்கள் நீதி மய்யம் தலைவர்

தலைமையில் பாராளுமன்றத் தேர்தல் முன்னேற்பாட்டுப் பணிகள் குறித்தான கலந்தாய்வுக் கூட்டம் நடைபெற்றது.

இக்கூட்டத்தில் கட்சியின் நிர்வாகக்குழு, செயற்குழு மற்றும் கோவை, சேலம் மண்டல நிர்வாகிகள் திரளாக கலந்து கொண்டனர். மாநில நிர்வாகிகள் பலர் கருந்துரையாற்ற நிறைவாக கமல்ஹாசன் பேசினார்.

அப்போது அவர், ராகுல் காந்தி தன்னிடம் அலைபேசியில் பேசியதாகவும், அத்துடன் கர்நாடக மாநில காங்கிரஸ் தலைவர் டி.கே.சிவக்குமார் நடைபெற இருக்கும் கர்நாடக சட்டசபை தேர்தலில் காங்கிரஸ் கட்சிக்கு ஆதரவாக பிரச்சாரம் செய்ய அழைப்புக்கடிதம் அனுப்பியதாகவும் குறிப்பிட்டார். அதுபற்றிய முடிவை தான் விரைவில் அறிவிப்பதாகவும் கூறினார்.

பாராளுமன்றத் தேர்தலுக்கான பணிகளை விரைவுபடுத்த வலியுறுத்திய தலைவர் உறுப்பினர் சேர்க்கை, நிர்வாகிகள் நியமனம் மற்றும் பூத் கமிட்டி அமைப்பதில் தீவிரம் காட்டும்படியும் அறிவுரை கூறினார். கட்சியில் சிறப்பான களப்பணிகள் செய்வோர் அனைவரும் உரிய முறையில் அங்கீகரிக்கப்படுவார்கள் என்பதை சுட்டிக்காட்டினார்.

தேர்தலுக்கு குறுகிய காலமே இருப்பதால்நேர்முகச் சிந்தனைகளோடு செயல்பட வேண்டிய நேரம் இது. உலகத்தில் சிறந்த சொல் “செயல்” என்பதை நாம் அனைவரும் நினைவில் கொள்ள வேண்டும்..

அரசியல் சாசனத்திற்கு ஆபத்து வருகையில் அதனைக் காப்பாற்ற கட்சிபேதங்களைக் கடந்து அனைத்து முயற்சிகளையும் நாம் முன்னெடுக்க வேண்டும் என்று கமல்ஹாசன் கூறினார்.

ஏற்கெனவே ராகுல் காந்தியுடன் நெருக்கம் பாராட்டும் கமல்ஹாசன் ஈரோடு கிழக்கு இடைத் தேர்தலில் காங்கிரஸ் வேட்பாளர் ஈவிகேஎஸ் இளங்கோவனுக்கு ஆதரவாக பிரச்சாரம் மேற்கொண்டார். கர்நாடகாவில் தமிழர்கள் அதிகம் வசிக்கும் பகுதிகளில் கமல்ஹாசன் விரைவில் பிரச்சாரம் மேற்கொள்வார் என்று எதிர்பார்க்கப்படுகிறது.