வகுப்பறையில் பட்டப்பகலில் ஆசிரியர் ஒருவர் மாணவிக்கு பாலியல் தொல்லை கொடுக்கும் வீடியோ இணையத்தில் பரவி அதிர்ச்சியை ஏற்படுத்தியுள்ளது.
உத்தரப்பிரதேச மாநிலம் மிர்சாபூரில் உள்ள கல்லூரி ஒன்றில் ஆசிரியர் ஒருவர் மாணவிக்கு பாலியல் தொல்லை கொடுக்கும் வீடியோவை சமூக செயற்பாட்டாளரான அருணேஷ் குமார் யாதவ் என்பவர் ட்விட்டரில் பகிர்ந்துள்ளார்.
அரசு ஐடிஐயில் நடந்துள்ள இந்த சம்பவம் தொடர்பான வீடியோவை பதிவேற்றம் செய்து, அருணேஷ் குமார் யாதவ் காவல்துறைக்கு டேக் செய்துள்ளார். போலீஸார் உடனடியாக நடவடிக்கை எடுக்க வேண்டும் என அவர் வலியுறுத்தியுள்ளார்.
வீடியோ வைரலானதை அடுத்த போலீசார் ஆசிரியரை கைது செய்தனர். அவரது பெயர் விஜய் சிங் என்றும், அவர் கட்ராவில் உள்ள ஐடிஐயில் ஆசிரியராக பணியாற்றி வருவதும் தெரியவந்துள்ளது.
ஹோலி பண்டிகை கொண்டாட்டத்தின் போது இச்சம்பவம் நடைபெற்றதாக போலீசார் தெரிவித்து உள்ளனர். இந்த வீடியோவை பார்த்த அனைவரும் அந்த ஆசிரியருக்கு கடும் கண்டனங்களை தெரிவித்து வருகின்றனர்.
newstm.in