ஹோம் மேக்ஓவர் டேஸ்-வீட்டு மேம்பாட்டிற்கான தயாரிப்புகளுக்கு 70% வரை தள்ளுபடி கிடைக்கும்
இணையத்திலும் சரி, கோலிவுட் வட்டாரத்திலும் சரி எங்கு பார்த்தாலும் லியோ படத்தை பற்றிய பேச்சுதான் போய்க்கொண்டிருக்கிறது. அந்த அளவிற்கு இப்படம் எதிர்பார்ப்பை ஏற்படுத்தியுள்ளது. அதற்கு மிக முக்கிய காரணம் இயக்குனர் லோகேஷ் கனகராஜ் தான் என்றே சொல்லலாம்.
பொதுவாக விஜய் படங்களுக்கு இருக்கும் எதிர்பார்ப்பை விட லியோ படத்திற்கு கூடுதல் எதிர்பார்ப்பு இருந்து வருகின்றது. அதற்கு விஜய்யுடன் லோகேஷ் கனகராஜ் மீண்டும் இணைந்ததே காரணம். இந்நிலையில் லியோ படத்தின் முதல்கட்ட படப்பிடிப்பு காஷ்மீரில் நடைபெற்ற நிலையில் இரண்டாம் கட்ட படப்பிடிப்பு தற்போது சென்னையில் நடைபெற்று வருகின்றது.
AK62: AK62 படத்தில் அது கிடையவே கிடையாதாம்..ஹாலிவுட் தரத்தில் அசத்தப்போகும் அஜித்..!
இதில் விஜய், த்ரிஷா, சஞ்சய் தத் ஆகியோர் கலந்துகொண்டு வருகின்றனர். மேலும் மன்சூர் அலி கான், அர்ஜுன் ஆகியோரும் இப்படத்தின் படப்பிடிப்பில் கலந்துகொள்வார்கள் என எதிர்பார்க்கப்படுகின்றது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இந்நிலையில் என்னதான் லியோ படத்தை பற்றிய தகவல்களை லோகேஷ் மற்றும் படக்குழு ரகசியமாக வைத்திருந்தாலும் இணையத்தில் ஆங்காங்கே தகவல்கள் கசிந்து வருகின்றன. ஆனால் அந்த தகவல் எல்லாம் உண்மையா இல்லை வதந்தியா என்பது பற்றி தெரியவில்லை. இருப்பினும் அந்த தகவல்கள் ரசிகர்கள் மத்தியில் எதிர்பார்ப்பை ஏற்படுத்தியுள்ளது.
இதையடுத்து சமீபத்தில் நடிகர் நரேன் லியோ படத்தை பற்றி பேசிய விஷயம் பல ரசிகர்களை ஏமாற்றத்தில் ஆழ்த்தியுள்ளது என்று தான் சொல்லவேண்டும். லோகேஷின் கைதி மற்றும் விக்ரம் படங்களில் முக்கியமான ரோலில் நடித்த நரேன் லியோ படத்தில் நடிக்கவில்லை. இந்நிலையில் சமீபத்தில் ஒரு பேட்டியில் பேசிய நரேன், லியோ திரைப்படம் LCU வில் இணையவில்லை என்றும், லியோ தனி யூனிவர்சில் உருவாகின்றது எனவும் கூறியுள்ளார்.
இதைத்தொடர்ந்து லியோ LCU வில் இணையும் என எதிர்பார்த்திருந்த ரசிகர்கள் மிகப்பெரிய ஏமாற்றத்தில் இருக்கின்றனர். விக்ரம் படத்தில் லோகேஷ் பயன்படுத்திய LCU ரசிகர்கள் மத்தியில் மிகப்பெரிய வரவேற்பை பெற்றது. எனவே லியோ படமும் LCU வில் இணையும் பட்சத்தில் அதில் சூர்யா, கார்த்தி,
கமல்
ஆகியோர் கெஸ்ட் ரோலில் நடிக்கும் வாய்ப்பு அமையும் என ரசிகர்கள் எதிர்பார்த்தனர்.
அதைத்தொடர்ந்து லியோ LCU வில் இணையும் என சில செய்திகளும் இணையத்தில் வந்த வண்ணம் இருந்தன. ஆனால் லோகேஷின் நெருங்கிய நண்பரான நரைனே லியோ LCU இல்லை என கூறியது ரசிகர்களுக்கு சற்று ஏமாற்றமாகவே உள்ளது குறிப்பிடத்தக்கது.