தமிழ் சினிமாவில் முன்னணி நடிகராக திகழ்ந்த சரத்குமார் தற்போது குணச்சித்திர கதாபாத்திரங்களிலும், வில்லன் வேடங்களிலும் நடித்து வருகிறார். இவரது நடிப்பில் சமீபத்திய வெளியீடாக ருத்ரன், பொன்னியின் செல்வன் 2 படங்கள் ரிலீஸ் ஆகியுள்ளன. இந்நிலையில் சரத்குமார் தனது நடிப்பில் வெளியாகி அமோக வரவேற்பை பெற்ற படத்தின் இரண்டாம் பாகம் குறித்த தகவல்கள் வெளியாகியுள்ளன.
ஹோம் மேக்ஓவர் டேஸ்-வீட்டு மேம்பாட்டிற்கான தயாரிப்புகளுக்கு 70% வரை தள்ளுபடி கிடைக்கும்
தமிழ் மட்டுமில்லாமல் தெலுங்கு உள்ளிட்ட பிற மொழி படங்களில் நடித்து வரும் சரத்குமார் கைவசம் தற்போது சுமார் 20 படங்கள் உள்ளது. மணிரத்னம் இயக்கத்தில் வெளியாகி அமோக வரவேற்பை பெற்று வரும் ‘பொன்னியின் செல்வன் 2’ படத்தில் பெரிய பழுவேட்டையாராக சரத்குமார் நடித்துள்ளார். மேலும். ராகவா லாரன்ஸ் நடிப்பில் வெளியான ‘ருத்ரன்’ படத்தில் வில்லனாக நடித்திருந்தார்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
தற்போது குணச்சித்திர வேடங்களில் கலக்கி வரும் சரத்குமார் 90 களில் பல படங்களில் ஹீரோவாகவும் நடித்துள்ளார். அந்த வகையில் இவரது கடந்த 1997 ஆம் ஆண்டு வெளியாகி அமோக வரவேற்பை பெற்ற படம் ‘சூரிய வம்சம்’. சரத்குமார் இரட்டை வேடங்களில் நடித்த இந்தப்படத்தில் தேவையானி, ராதிகா, மணிவண்ணன், ஆனந்த் ராஜ் உள்ளிட்ட பலர் நடித்திருந்தனர்.
இந்தப்படம் ரசிகர்கள் மத்தியில் அமோக வரவேற்பை பெற்றது. இந்தப்படத்தில் ஒரே பாடலில் சரத்குமார் கோடீஸ்வரர் ஆகும் காட்சி இன்றைக்கு ட்ரோல் செய்யப்பட்டாலும், படம் வெளியான காலக்கட்டத்தில் பிரபலமான காட்சியாக இருந்தது. இந்நிலையில் இந்தப்படத்தின் இரண்டாம் பாகம் உருவாக வாய்ப்புள்ளதாக சரத்குமார் தெரிவித்துள்ளார்.
‘பொன்னியின் செல்வன் 2’ பிரம்மாண்ட வெற்றி: தங்கலானில் மாஸ் காட்ட ரெடியாகும் விக்ரம்.!
இதுதொடர்பாக பேட்டி ஒன்றில் பேசியுள்ள சரத்குமார், சூரிய வம்சம் 2 படத்தின் இரண்டாம் பாகத்தை எடுக்கும் முயற்சிகள் நடந்து வருவதாக தெரிவித்துள்ளார். படத்தின் கதை தயாரானவுடன் இரண்டாம் பாகத்தினை படமாக்கும் பணிகள் துவங்கும் என்றும் கூறியுள்ளார். மேலும், தன்னுடைய நடிப்பில் வெளியாகி வெற்றியடைந்த ‘சூரியன்’ படத்தின் இரண்டாம் பாகம் எடுக்கும் திட்டமும் உள்ளதாகவும் தெரிவித்துள்ளார்.
அத்துடன், நான் நாற்பது வருடங்களாக திரை உலகில் பயணிக்கிறேன். கதாநாயகனாவும், வில்லனாகவும், மற்ற இளம் கதாநாயகர்களுடனும் இணைந்து நடிக்கிறேன். வாரிசு, பொன்னியின் செல்வன், ருத்ரன் படங்களில் நல்ல கதாபாத்திரங்கள் அமைந்தன. இதுவரை 145 படங்களில் நடித்துள்ளேன். எனது 150 படமாக ‘ஸ்மைல்மேன்’ படம் உருவாகி வருகிறது. இவ்வாறு தெரிவித்துள்ளார் நடிகர் சரத்குமார்.
விவாகரத்து கிடைத்ததை வேறலெவலில் கொண்டாடிய நடிகை: தீயாய் பரவும் போட்டோஸ்.!