ஹரிஹரா, : ஹரிஹரா அருகே, நுாற்பாலையில் ஏற்பட்ட தீ விபத்தால், 30 லட்சம் ரூபாய் மதிப்பிலான நுால்கள், பொருட்கள் எரிந்து சேதம் அடைந்தன.
தாவணகெரே மாவட்டம், ஹரிஹரா தாலுகா குமாரபட்டணா கிராமத்தில் நுாற்பாலை உள்ளது.
நேற்று முன்தினம் இரவு நுாற்பாலையில் திடீரென தீப்பிடித்தது. தீ மளமளவென பரவி நுால்கள், இயந்திரங்கள் மீது பரவி எரிந்தது. இதுபற்றி அப்பகுதி மக்கள், தீயணைப்பு படையினருக்கு தகவல் கொடுத்தனர்.
ஹரிஹரா, தாவணகெரே, ராணிபென்னுார், ஹாவேரி ஆகிய இடங்களில் இருந்து, எட்டு தீயணைப்பு வாகனங்களில் வந்த, தீயணைப்பு படையினர் தண்ணீரை பீய்ச்சி அடித்தனர்.
இரண்டு மணி நேர போராட்டத்திற்கு பின் தீ அணைக்கப்பட்டது.ஆனாலும் நுால்கள், இயந்திரங்கள் உட்பட 30 லட்சம் ரூபாய் மதிப்பிலான, பொருட்கள் எரிந்து சேதம் அடைந்தது தெரிந்தது.
முதற்கட்ட விசாரணையில் அப்பகுதியில் பெய்த கனமழையால், நுால்கள் மீது மின்னல் பாய்ந்ததில் தீ விபத்து ஏற்பட்டது தெரிந்தது. வேறு காரணம் உள்ளதா என்றும் விசாரணை நடக்கிறது.
புதிய செய்திகளுக்கு தினமலர் சேனலை Subscribe செய்யுங்கள்
Advertisement
