பிரபல நடிகரும், இயக்குநருமான மனோபாலாவின் உடலுக்கு தளபதி விஜய் நேரில் அஞ்சலி செலுத்தினார்.
தமிழ் சினிமாவில் நடிகர், இயக்குநர், தயாரிப்பாளர் என பன்முகத் திறமை கொண்ட மனோபாலா மறைவு தமிழ் திரையுலகினர் மத்தியில் பெரும் அதிர்ச்சியை ஏற்படுத்தியுள்ளது. இவர் இயக்குநர் இமயம் பாரதிராஜாவிடம் உதவி இயக்குநராக பணியாற்றியவர்.
ரஜினி நடித்த ஊர்க்காவலன், ஆகாய கங்கை உள்ளிட்ட 20 படங்களை இயக்கியுள்ளார். நடிகராக சுமார் 700க்கும் மேற்பட்ட படங்களில் நடித்திருக்கிறார். சதுரங்க வேட்டை உள்ளிட்ட படங்களை தயாரித்திருக்கிறார்.
உடல்நலக்குறைவால் பாதிக்கப்பட்டு சிகிச்சை பெற்றுவந்த மனோபாலா உடல் நலக்குறவால் காலமானார். அவரது மறைவுக்கு முதலமைச்சர் மு.க.ஸ்டாலின், ரஜினிகாந்த், பாரதிராஜா, இளையராஜா உள்ளிட்ட பிரபலங்கள் இரங்கல் தெரிவித்து வருகின்றனர்.
அவரது மறைவு ரசிகர்களிடையே பெரும் சோகத்தை ஏற்படுத்தியுள்ளது. திரையுலகினர் அவரது இல்லத்திற்கு சென்று நேரில் அஞ்சலி செலுத்தி வருகின்றனர். பிரபல இயக்குநர்கள், நடிகர்கள், நடிகைகள் என பலரும் மனோபாலா வீட்டில் குவிந்த வண்ணம் உள்ளனர்.
இந்நிலையில் அவரது உடலுக்கு தளபதி விஜய் நேரில் அஞ்சலி செலுத்தினார். அப்போது மனோபாலாவின் மகனுக்கு விஜய் ஆறுதல் தெரிவித்தார். மனோபாலாவின் இறுதி சடங்கு நாளை காலை 10 மணிக்கு வளசரவாக்கத்தில் நடைபெற உள்ளது.
newstm.in