ஹோம் மேக்ஓவர் டேஸ்-வீட்டு மேம்பாட்டிற்கான தயாரிப்புகளுக்கு 70% வரை தள்ளுபடி கிடைக்கும்
அதிபர் மாளிகை என்றாலே பிரம்மாண்டத்திற்கு பஞ்சமிருக்காது. பல அடுக்கு பாதுகாப்பு, அதிநவீன தொழில்நுட்ப வசதிகள், சுரங்க அறைகள், ரகசிய வழித்தடங்கள், பழங்கால பொக்கிஷங்கள் என லிஸ்ட் நீண்டு கொண்டே செல்லும். அதற்கு ரஷ்ய அதிபர் மாளிகையான கிரெம்ளின் மாளிகையும் விதிவிலக்கல்ல. அதுவும் ரஷ்ய அதிபர் மாளிகையில் உக்ரைன் படைகள் தாக்குதல் நடத்தப்பட்ட நிலையில் உள்ளே அப்படி என்னென்ன விஷயங்கள் இருக்கும் என்ற கேள்வி பலருக்கும் எழுந்துள்ளது.
கிரெம்ளின் மாளிகைரஷ்யாவின் தலைநகர் மாஸ்கோவின் மையப் பகுதியில் இடம்பெற்றுள்ள கிரெம்ளின் மாளிகை. இதை ஒரே கட்டிடம் என்று நினைத்து விடாதீர்கள். கிட்டதட்ட 27 ஹெக்டேரில் 5 மாளிகைகள், 4 தேவாலயங்கள், கிரெம்ளின் சுவர், கிரெம்ளின் டவர் என பல அடுக்குகளாக இடம்பெற்றுள்ளன. ஒட்டுமொத்த கிரெம்ளின் மாளிகையும் சுற்றிலும் உள்ள 20 கோபுரங்களால் பாதுகாக்கப்பட்டு வருகிறது. ஆனால் உள்ளே செல்வதற்கு ட்ரினிட்டி டவர் (Trinity Tower) வழியாக மட்டுமே அனுமதிக்கப்படுகின்றனர். ஒரு கோபுரத்தை இன்னொரு கோபுரத்துடன் இணைக்கும் வகையில் சுரங்கப் பாதைகள் இருக்கின்றன.
ஆயுதங்களும், சுரங்க அறைகளும்இவை ஒருகாலத்தில் பாதாள சிறைச்சாலைகளாக பயன்படுத்தப்பட்டன. ஆர்சினல் (Arsenal) எனப்படும் இடதுபுற கோட்டையில் பல மில்லியன் டாலர் மதிப்பிலான ஆயுதங்கள் வைக்கப்பட்டுள்ளன. இதன் அருகே உள்ள ஸ்டேட் கிரெம்ளின் பேலஸில் (State Kremlin Palace) 800 அறைகள் காணப்படுகின்றன. இந்த கட்டடத்தின் கீழ் 16 மீட்டர் ஆழத்திற்கு சுரங்க அறைகள் உள்ளன. கிரெம்ளின் மாளிகையின் இதயப் பகுதி போல கதீட்ரல் ஸ்கொயர் (Cathedral Square) இருக்கிறது. இங்குள்ள ஐவன் தி கிரேட் பெல் டவர் (Ivan The Great) அருங்காட்சியகமாக செயல்பட்டு வருகிறது.
ரஷ்ய அதிபர்: ‘எங்க தலைக்கு தில்ல பாத்தியா’.. 6வது முறையாக கொலை முயற்சியில் தப்பித்தார்.!
கிராண்ட் கிரெம்ளின் பேலஸ்கதீட்ரல் ஸ்கொயர் பகுதியில் 16ஆம் நூற்றாண்டை சேர்ந்த பிரம்மாண்ட மணி, 40 டன் எடை கொண்ட பழங்கால பீரங்கி உள்ளிட்டவை காணப்படுகின்றன. கிரெம்ளின் மாளிகையில் உள்ள மிக முக்கியமான கட்டிடமாக கிராண்ட் கிரெம்ளின் பேலஸ் (Great Kremlin Palace) திகழ்கிறது. 124 மீட்டர் நீளமும், 47 மீட்டர் உயரமும் கொண்டது. ஒட்டுமொத்த பரப்பளவு 25 ஆயிரம் சதுர மீட்டர். இங்கு ஏராளமான பொக்கிஷங்கள் இருப்பதாக சொல்லப்படுகிறது. இதன் மதிப்பு மட்டும் ஒரு பில்லியன் டாலரை தாண்டி விடுமாம்.
விலைமதிப்பற்ற மணி மகுடம்உதாரணத்திற்கு ஒரு பொருளை சொல்ல வேண்டுமெனில் தி கிரேட் இம்பீரியல் க்ரவுனை (The Great Imperial Crown) சொல்லலாம். அதாவது மன்னரின் தலையில் அணிவிக்கப்படும் மணிமகுடம். 5 ஆயிரம் விலை மதிப்பற்ற மணிகளால் அலங்கரிக்கப்பட்டுள்ளது. 2,800 கேரட்டிற்கு அதிகமான தங்கத்தை கொண்டிருக்கிறது. 1920ஆம் ஆண்டு காலகட்டத்திலேயே இதன் மதிப்பு 52 மில்லியன் டாலர். அப்படியெனில் தற்போதைய மதிப்பை நீங்களே கணக்கிட்டு கொள்ளுங்கள். கிராண்ட் கிரெம்ளின் பேலஸ் ரகசிய அறைகளும் இருக்கின்றன. கிராண்ட் கிரெம்ளின் பேலஸில் மொத்தம் இரண்டு தளங்கள் உள்ளன.
பாசடெட் சாம்பர் மாளிகைஅடுத்து டெரம் பேலஸ் (Terem Palace). இங்கு ரஷ்யாவின் முதல் குடிமகனின் குடும்பத்தினர் வசித்து வருகின்றனர். அதாவது, அதிபர் விளாடிமிர் புடினின் குடும்பம் இருக்கிறது. இந்த மாளிகையின் சுரங்கப் பகுதியில் ரகசிய நூலகம் ஒன்று இருப்பதாக ஒரு தகவல் உண்டு. ஆனால் வழித்தடம் மட்டுமே கண்டறியப்பட்டுள்ளது. எஞ்சியவை பற்றி உறுதிபடுத்தப்பட்ட தகவல் இல்லை. இதையடுத்து பாசடெட் சாம்பர் (Faceted Chamber) என்ற மாளிகை உள்ளது. பழங்காலத்தில் அரசவை போன்று இப்பகுதியை பயன்படுத்தி வந்துள்ளனர். இதன் அடிப்பகுதியில் சுரங்கப் பாதைகள் இருக்கின்றன.
Vladimir Putin Trone Attack : ரஷ்ய அதிபர் விளாடிமிர் புடின்.. உக்ரைன் ட்ரோன் தாக்குதல் வீடியோ வைரல்.!
தி கிராண்ட் பேலஸ்தி கிராண்ட் பேலஸ் (The Grand Kremlin Palace) மாளிகை தான் மிகப்பெரிய கட்டிடமாக காட்சியளிக்கிறது. ரஷ்ய கட்டிடக் கலைக்கு உதாரணமாக பல்வேறு கலை அம்சங்கள் உடன் காணப்படுகிறது. இதில் செயிண்ட் ஆண்ட்ரு ஹால், அலெக்சண்டர்ஸ் ஹால், செயிண்ட் ஜார்ஜ் ஹால், கேதரின்ஸ் ஹால், விளாடிமிர் ஹால் என பிரிக்கப்பட்டுள்ளன. ஒவ்வொன்றும் விலை மதிப்புள்ள பொருட்களால் அலங்கரிக்கப்பட்டு மிகப்பெரிய அறைகளாக இருக்கின்றன. இங்குள்ள பொருட்கள் தங்க முலாம் பூசப்பட்டு கண்ணை கவரும் வண்ணம் அமைந்துள்ளது.