ஹோம் மேக்ஓவர் டேஸ்-வீட்டு மேம்பாட்டிற்கான தயாரிப்புகளுக்கு 70% வரை தள்ளுபடி கிடைக்கும்
இயக்குநரும், நடிகரும், தயாரிப்பாளருமான மனோபாலா மே 3ம் தேதி காலமானார். கல்லீரல் பிரச்சனைக்கு சிகிச்சை பெற்று வந்த அவர் இறந்த செய்தி அறிந்த அனைவருமே அதிர்ச்சி அடைந்தனர். நீங்க இல்லை என்பதை நம்பவே முடியவில்லை என திரையுலகினரும், ரசிகர்களும் தெரிவித்துள்ளனர்.
நான் Rajini Sir Style-ல தான் நடிக்கிறேன் – Sivakarthikeyan fantastic speech
சென்னை சாலிகிராமத்தில் வைக்கப்பட்டிருந்த மனோபாலாவின் உடலுக்கு விஜய், ஷங்கர், லோகேஷ் கனகராஜ் உள்ளிட்ட பிரபலங்கள் அஞ்சலி செலுத்தினார்கள்.
அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும்
அஜித் ஊரில் இல்லாததால் வரவில்லை. இந்நிலையில் அண்மையில் அஜித் குமார் பற்றி பேட்டி ஒன்றில் மனோபாலா பேசிய வீடியோவை ரசிகர்கள் ஷேர் செய்து கொண்டிருக்கிறார்கள்.
அந்த பேட்டியில் மனோபாலா கூறியிருப்பதாவது,
இந்த பொசிஷனுக்கு வர அவர் எவ்வளவு கஷ்டப்பட்டார் என்பது உங்களுக்கு எல்லாம் தெரியாது. சும்மா மேல கொண்டு போய் ஏத்தி வைக்க நாங்க ஒன்றும் முட்டாள் இல்லை. அவன் அவ்வளவு கஷ்டப்பட்டிருக்கான். அந்த பையன் பட்ட வேதனையும், கஷ்டமும் ஊர், உலகத்துல எந்த நடிகனுமே பட்டது இல்ல. அவ்வளவு ஆபரேஷன், நடக்கவே முடியாது.
நடக்கிறதே சாத்தியம் இல்லை. ஆனால் ஆக்ஷன், டான்ஸ் காட்சிகள் என எல்லாமே பண்றார். பார்த்தால் குளு குளுனு இருக்கார். இதெல்லாம் எப்படி சாத்தியம். தன்னைத் தானே வளர்த்து அந்த பொசிஷனுக்கு வந்திருக்கிறார் என்றார்.
அஜித் மீது மிகுந்த மரியாதை வைத்திருந்த மனோபாலாவுக்கு தளபதி விஜய் என்றாலும் மிகவும் பிடிக்கும். விஜய் படம் என்றால் ஒரேயொரு ஷாட்டில் நடிக்க கூப்பிட்டால் கூடி ஓடி வந்துவிடுவேன் என்றார் மனோபாலா. இந்நிலையில் தான் லோகேஷ் கனகராஜ் இயக்கத்தில் விஜய் நடித்து வரும் லியோ படத்தில் நடிக்கும் வாய்ப்பு அவருக்கு கிடைத்தது.
ஆனால் அது தான் அவர் விஜய்யுடன் சேர்ந்து நடித்த கடைசி படம் என்பது தெரியாமல் போய்விட்டது. மனோபாலா இறந்த செய்தி அறிந்த விஜய் சாலிகிராமத்தில் இருக்கும் அவரின் வீட்டிற்கு சென்றார். அங்கு உயிர் இல்லாமல் நிரந்தர தூக்கத்தில் இருந்த மனோபாலாவை பார்த்ததும் துக்கம் தாங்க முடியாமல் கண் கலங்கி அப்படியே இடிந்து போய்விட்டார் விஜய்.
Manobala: மனோபாலாவின் உடலை பார்த்ததும் கண்கலங்கி சோகமே உருவாக நின்ற விஜய்
மனோபாலா மகனின் கையை பிடித்துக் கொண்டு நின்ற விஜய்யால் பேச முடியவில்லை. அவர் சோகமே உருவாக நின்றதை பார்த்த ரசிகர்களும் கண் கலங்கினார்கள்.
திரையுலகில் இருக்கும் அனைவரை பற்றியும் பெருமையாகவும், நல்லவிதமாகவும் பேசி வந்தவர் மனோபாலா. வளர்ந்து வரும் கலைஞர்களாக இருந்தாலும் கூட அவர்களை பார்த்தால் தானாக சென்று பேசுவார். அவரின் இந்த குணம் அனைவரையும் கவர்ந்தது.
எந்த திறமைசாலியையும் பாராட்டத் தவறாதவர் மனோபாலா. கை நிறைய படங்கள் வைத்து நடித்துக் கொண்டிருந்த அவர் யூடியூப் சேனல் ஒன்றையும் நடத்தி வந்தார்.
இவ்வளவு பிசியாக இருந்தாலும் ட்விட்டரிலும் ஆக்டிவாக இருந்தார். ரசிகர்களுடன் தொடர்ந்து டச்சில் இருந்தார். அவர்கள் கேட்ட கேள்விகளுக்கு எல்லாம் பதில் அளித்தார். இறப்பதற்கு சில மணிநேரங்களுக்கு முன்பு கூட தன் யூடியூப் சேனலில் வீடியோ ஒன்றை வெளியிட்டார்.
இந்த அளவுக்கு ஆக்டிவாக இருந்த மனோபாலா இறந்துவிட்டார் என்பதை நம்ப கடினமாக இருக்கிறது. உங்களின் ஆத்மா சாந்தியடையட்டும் சார்.