சென்னை வட பழனியில் உள்ள பழம்பெருமை வாய்ந்த ஏவிஎம் ஸ்டுடியோவில் படப்பிடிப்பு தளத்தின் ஒரு பகுதி அருங்காட்சியகமாக மாற்றப்பட்டுள்ளது. இதற்கு ஏவிஎம் ஹெரிடேஜ் மியூசியம் (AVM Heritage Museum) என்று பெயர் வைக்கப்பட்டுள்ளது. இதை முதல்வர்
இன்று (மே 7) காலை திறந்து வைத்தார். அப்போது உயர்கல்வித்துறை அமைச்சர் பொன்முடி, நாடாளுமன்ற உறுப்பினர் டி.ஆர்.பாலு, ஏவிஎம் நிறுவனத்தின் உரிமையாளர்கள் சரவணன் மற்றும் குகன், கவிஞர் வைரமுத்து, திரைப்பட நடிகர்கள் கமல் ஹாசன், சிவக்குமார், இயக்குநர் எஸ்.பி.முத்துராமன் ஆகியோர் கலந்து கொண்டனர்.
ஸ்டாலின் ஆட்சி எப்படி இருக்கிறது? – மக்கள் கருத்து!
ஏவிஎம் தயாரிப்பு நிறுவனம்
தமிழ், தெலுங்கு, கன்னடம், மலையாளம், இந்தி, வங்கம், சிங்கள மொழி எனப் பல்வேறு மொழிகளில் 70 ஆண்டுகளுக்கும் மேலாக ஏராளமான திரைப்படங்களை தயாரித்த பழம்பெரும் நிறுவனம் ஏவிஎம். இது 1945ஆம் ஆண்டு ஏ.வி.மெய்யப்பன் அவர்களால் தொடங்கப்பட்டது. இந்த நிறுவனத்தின் தயாரிப்பில் தான் சிவாஜி கணேசன், ராஜ்குமார், எஸ்.எஸ்.ராஜேந்திரன், வைஜெயந்தி மாலா, கமல் ஹாசன் உள்ளிட்ட பலர் திரையுலகிற்கு அறிமுகம் ஆனார்.
MK Stalin at AVM Museum
ஏ.வி.மெய்யப்பன் செட்டியார்
ஏவிஎம் நிறுவனம் நிலைத்து நிற்பதற்கு முக்கிய காரணம் யாரென்றால் ஏ.வி.மெய்யப்பன் செட்டியார் தான். ஒவ்வொரு படத்தையும் பார்த்து பார்த்து தயாரித்தார். ஏன் ஒவ்வொரு சீனிற்கும் அதிக முக்கியத்துவம் கொடுத்து எடுக்க வைத்தார். படத்தின் சின்ன சின்ன நுணுக்கங்களையும் கச்சிதமாக வரும் வரை விட மாட்டார். இந்நிறுவனம் தயாரித்த படங்களில் இடம்பெற்ற கார்கள், பிரிட்டிஷ் காலத்து கார்கள், பிரபல நடிகர், நடிகைகள் பயன்படுத்திய கார்கள் உள்ளிட்டவை இந்த மியூசியத்தில் காட்சிப்படுத்தப்பட்டுள்ளன.
ஹெரிடேஜ் மியூசியம்
ஏ.வி.மெய்யப்பன் பயன்படுத்திய பல்வேறு விதமான கார்களும் இங்கே இருக்கின்றன. ஏவிஎம் தயாரித்த படங்களின் புகைப்படங்களும் இடம்பெற்றுள்ளன. மேலும் படங்களில் பயன்படுத்தப்பட்ட ஓவியங்கள், உருவச் சிலைகள் உள்ளிட்டவையும் காட்சிக்கு வைக்கப்பட்டுள்ளன. இதுதவிர ஆரம்ப கால திரைப்படங்களில் பயன்படுத்தப்பட்ட ஒளிப்பதிவு கருவிகள், எடிட்டிங் கருவிகள்,
புகைப்படம் எடுத்து கொண்ட ஸ்டாலின்
இசைக் கருவிகள், விளக்குகள், ஒலி பெருக்கிகள் மற்றும் தயாரிப்பு உபகரணங்களும் ஏவிஎம் ஹெரிடேஜ் மியூசியத்தில் இடம்பெற்றுள்ளன. ஏவிஎம் உருண்டை மற்றும் ஏ.வி.மெய்யப்பன் சிலை அருகில் நின்று முதல்வர் மு.க.ஸ்டாலின் உள்ளிட்டோர் புகைப்படம் எடுத்துக் கொண்டனர். மேலும் சிவாஜி கணேசன், கருணாநிதி கூட்டணியில் உருவான பராசக்தி திரைப்படத்தின் நினைவு சின்னம் வைக்கப்பட்ட இடத்திலும் அனைவரும் ஆர்வத்துடன் புகைப்படம் எடுத்துக் கொண்டனர்.
பார்வையிட கட்டணம்
தற்போது அதிகம் படங்களை தயாரிப்பதை குறைத்து கொண்ட ஏவிஎம் நிறுவனம், கடைசியாக அருண் விஜய் நடிப்பில் உருவான ’தமிழ் ராக்கர்ஸ்’ என்ற வெப் சீரியஸை தயாரித்திருந்தது. திரைத்துறையினர், புதிய சினிமா ஆர்வலர்கள், மாணவர்கள், இளைஞர்கள் என பல தரப்பினரும் கட்டாயம் பார்க்க வேண்டிய இடமாக ஏவிஎம் ஹெரிடேஜ் மியூசியம் விளங்குகிறது. பெரியவர்களுக்கு 200 ரூபாயும், சிறியவர்களுக்கு 150 ரூபாயும் கட்டணமாக நிர்ணயம் செய்யப்பட்டுள்ளது.