இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
சூப்பர் ஸ்டார் ரஜினிகாந்தை வைத்து ஒரு படமாவது இயக்க வேண்டும் என்பது அனைத்து இயக்குநர்களின் ஆசை. ஆனால் அனைவரின் ஆசையும் நிறைவேறிவிடுவது இல்லை. இந்நிலையில் தான் உங்க அப்பாவை வைத்து படம் இயக்க வாய்ப்பு கிடைத்தால் என்ன செய்வீர்கள் என்று ஐஸ்வர்யா ரஜினிகாந்திடம் கேட்கப்பட்டது.
மேடையில் உணர்ச்சிவசப்பட்ட ஐஸ்வர்யா தத்தா!
அப்பா படத்தை இயக்க வாய்ப்பு கிடைத்தால் ரொம்ப சந்தோஷப்படுவேன் என்றார். ஐஸ்வர்யா ஆசைப்பட்டது போன்று அப்பா ரஜினிகாந்தை தன் லால் சலாம் படத்தில் நடிக்க ஒப்பந்தம் செய்துவிட்டார். அந்த படத்தில் கவுரவத் தோற்றம் தான் என்றாலும் ரஜினியை ஒரு மணிநேரம் திரையில் பார்க்கலாம் என்று கூறப்படுகிறது.
Rajinikanth: லால் சலாம் ஷூட்டிங்கிற்காக மும்பை பறந்த ரஜினி: அந்த நடை, அந்த ஸ்மைல், ப்ப்பா
ஒரு மணிநேரம் தலைவர் தரிசனம் கிடைக்கப் போகிறது. எங்களுக்கு இது போதும் என்கிறார்கள் ரஜினி ரசிகர்கள். விக்ராந்த், விஷ்ணு விஷால் உள்ளிட்டோர் நடித்து வரும் லால் சலாம் படத்தில் இஸ்லாமியராக நடிக்கிறார் ரஜினிகாந்த். அந்த படத்திற்காக தாடிக்கு டை அடித்து புது தோற்றத்திற்கு மாறியிருக்கிறார் ரஜினி.
லால் சலாமை அடுத்து ஜெய்பீம் படம் புகழ் ஞானவேல் இயக்கத்தில் தலைவர் 170 படத்தில் நடிக்கிறார் சூப்பர் ஸ்டார். அதன் பிறகு தலைவர் 171 படத்தை அவர் இயக்குவார், இவர் இயக்குவார் என சிலரின் பெயர்கள் அடிபட்டது.
இந்நிலையில் தலைவர் 171 படத்தை லோகேஷ் கனகராஜ் இயக்குவது உறுதியாகிவிட்டது. தலைவர் 171 படத்திற்கான போட்டோஷூட் சென்னையில் நடந்திருக்கிறது. தலைவரை வைத்து ஒரு படம் இயக்க வேண்டும் என ஆசையாக உள்ளது என கடந்த ஆண்டு தெரிவித்தார் லோகேஷ் கனகராஜ்.
இந்நிலையில் இந்த ஆண்டு அவரின் ஆசை நிறைவேறிவிட்டது. தலைவர் 171 படத்துடன் நடிப்புக்கு முழுக்கு போட ரஜினி திட்டமிட்டிருப்பதாகவும், தன் கடைசி படத்தை லோகேஷ் கனகராஜ் தான் இயக்க வேண்டும் என்று அவர் கூறியதாகவும் தகவல் வெளியானது.
இதற்கிடையே பெங்களூருக்கு சென்ற இடத்தில் ரஜினியை சந்தித்து கதை சொல்லியிருக்கிறார் சுதா கொங்கரா. அவர் சொன்ன கதை ரஜினிக்கு பிடித்துவிட்டது. அதனால் சுதா கொங்கரா இயக்கத்தில் ரஜினி நடிக்கக்கூடும் என்று கூறப்படுகிறது.
ரஜினி நடிப்புக்கு முழுக்கு போடக் கூடாது என்பதே தலைவர் ரசிகர்களின் விருப்பம். நெல்சன் திலீப்குமார் இயக்கத்தில் ரஜினி, தமன்னா, ரம்யா கிருஷ்ணன் உள்ளிட்டோர் நடித்திருக்கும் ஜெயிலர் படம் ஆகஸ்ட் மாதம் 10ம் தேதி ரிலீஸாகவிருக்கிறது.
Jailer: ரஜினியால் கண்டிப்பா முடியும்: ஜெயிலர் வீடியோவை பார்த்தாலே தெரியுதே
இந்நிலையில் ரிலீஸ் தேதியை அறிவிக்க வெளியிடப்பட்ட வீடியோவில் ரஜினி கெத்தா, ஸ்டைலா வந்ததை பார்த்த அனைவரும் அசந்து போய்விட்டார்கள்.
லோகேஷ் கனகராஜ் தளபதி விஜய்யை வைத்து லியோ படத்தை இயக்கி வருகிறார். அந்த படத்தை அக்டோபர் மாதம் 19ம் தேதி ரிலீஸ் செய்ய முடிவு செய்திருக்கிறார். ஜெயிலர் மற்றும் லியோ பட ரிலீஸுக்கு பிறகே தலைவர் 171 படம் குறித்த அதிகாரப்பூர்வ அறிவிப்பு வெளியிடப்படுமாம்.
அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும்
தலைவர் 171 படம் லோகேஷ் கனகராஜின் எல்.சி.யூ.வா இல்லை புதுக் கதையா என்பதை தெரிந்து கொள்ள ரசிகர்கள் ஆவலாக இருக்கிறார்கள். எல்.சி.யூ.வாக இருந்தால் தலைவர் 171 படத்தில் உலக நாயகன் கமல் ஹாசனை பார்க்கலாம்.
மீண்டும் ரஜினியையும், கமலையும் ஒரே படத்தில் பார்க்க ரசிகர்கள் பல ஆண்டுகளாக காத்திருக்கிறார்கள். அந்த காத்திருப்பு தலைவர் 171 படத்துடன் முடியுமா என்பதை பொறுத்திருந்து தான் பார்க்க வேண்டும்.