ஏ.ஆர்.ரஹ்மான் இசையில் பாடிய வடிவேலு
இயக்குனர் மாரி செல்வராஜ் இயக்கத்தில் அமைச்சரும், நடிகமான உதயநிதி நடிப்பில் தயாராகி வரும் திரைப்படம் மாமன்னன். வடிவேலு, பகத் பாசில், கீர்த்தி சுரேஷ் உள்ளிட்டோர் முக்கிய கதாபாத்திரத்தில் நடித்துள்ளனர். ஏ.ஆர் ரஹ்மான் இசையமைக்கும் இந்த படத்தை ரெட் ஜெயண்ட் மூவிஸ் தயாரிக்கின்றனர். சமீபத்தில் இப்படத்தின் முதல் பார்வை ஜூன் மாதம் வெளியீடு என்ற போஸ்டர் உடன் அறிவித்தனர். படப்பிடிப்பு முடிந்து இறுதிக்கட்ட பணிகள் விறுவிறுப்பாக நடந்து வருகின்றன.
இந்நிலையில் இந்த படத்தில் வடிவேலு ரஹ்மான் இசையில் பாடல் ஒன்றை பாடுகிறார். இந்த பாடலை கவிஞர். யுகபாரதி எழுதியுள்ளார். தற்போது இந்த பாடல் உருவாகத்தில் உள்ள போட்டோ வெளியாகி வைரலாகி வருகிறது. இப்பாடல் விரைவில் வெளியாகும் என இயக்குனர் மாரி செல்வராஜ் கூறியுள்ளார்.