லியோ படத்தில் இணைந்த மோகன்லால் பட நடிகை!
இயக்குனர் லோகேஷ் கனகராஜ் இயக்கத்தில் நடிகர் விஜய் நடிப்பில் தயாராகி வரும் திரைப்படம் லியோ. திரிஷா, அர்ஜுன், சஞ்சய் தத், மிஷ்கின், மேத்தியூ தாமஸ், கவுதம் மேனன் உள்ளிட்டோர் முக்கிய கதாபாத்திரத்தில் நடித்து வருகின்றனர். அனிருத் இசையமைக்கும் இந்த படத்தை 7 ஸ்கிரீன் ஸ்டுடியோஸ் நிறுவனம் தயாரிக்கிறது.
ஏற்கனவே நட்சத்திர பட்டாளத்தை கொண்டுள்ள இப்படத்தில் தற்போது ஒரு மலையாள நடிகை இணைந்துள்ளார். மோகன்லால் நடித்த திரிஷ்யம்-2 படத்தில் பிரபலமான நடிகை சாந்தி மாயாதேவி இப்போது இந்த படத்தில் இணைந்துள்ளார். இது குறித்து தனது இன்ஸ்டாகிராம் பக்கத்தில் லோகேஷ் கனகராஜ் உடன் உள்ள போட்டோவை பகிர்ந்துள்ளார். இப்போது இவர் மோகன்லால் நடித்து வரும் ராம் படத்தில் முக்கிய கதாபாத்திரத்தில் நடித்து வருகிறார் என்பது குறிப்பிடத்தக்கது.