இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
பல ஆண்டுகளுக்கு பிறகு ரஜினி ஒரே சமயத்தில் பல படங்களில் நடிக்க கமிட்டாகியுள்ளார். கடந்த 25 வருடங்களாக ரஜினி ஒரே சமயத்தில் ஒரு படத்தில் மட்டுமே நடித்து வந்தார். அப்படம் வெளியாகி சில மாதங்களுக்கு பின்னரே தான் அடுத்த படத்தை பற்றிய அறிவிப்பை வெளியிடுவார் ரஜினி.
ஆனால் தற்போது அடுத்தடுத்து படங்களில் நடித்து கோலிவுட் வட்டாரத்தையே ஆச்சர்யத்தில் ஆழ்த்தியுள்ளார் ரஜினி. தன் 71 ஆவது வயதிலும் தன் ரசிகர்களுக்காக தொடர்ந்து படங்களில் பிசியாக நடித்து வருகின்றார் ரஜினி. தற்போது நெல்சனின் இயக்கத்தில் ஜெயிலர் படத்தில் நடித்து முடித்துள்ளார் ரஜினி.
Suriya: அஜித் வழியை பின்பற்றும் சூர்யா..நெகிழ்ச்சியில் கங்குவா படக்குழுவினர்..!
இதையடுத்து தன் மகள் ஐஸ்வர்யாவின் இயக்கத்தில் உருவாகும் லால் சலாம் என்ற படத்தில் நடிப்பதற்காக மும்பைக்கு பறந்துள்ளார் ரஜினி. ஐஸ்வர்யா இயக்கத்தில் உருவாகும் லால் சலாம் படத்தில் விஷ்ணு விஷால் மற்றும் விக்ராந்த் நாயகர்களாக நடிக்க ரஜினி சிறப்பு தோற்றத்தில் நடிக்கின்றார். கிரிக்கெட் விளையாட்டை அடிப்படையாக கொண்டு உருவாகும் இப்படத்தில் ரஜினி மொய்தீன் பாய் என்ற முஸ்லீம் கதாபாத்திரத்தில் நடிக்கின்றார்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இவரின் கதாபாத்திரத்தின் பெயரும் போஸ்டரும் நேற்று வெளியாகி இணையத்தில் செம வைரலாகி வருகின்றது. பாட்ஷா படத்திற்கு பிறகு ரஜினி லால் சலாம் படத்தில் முஸ்லிம் கதாபாத்திரத்தில் நடிப்பதால் ரசிகர்கள் மத்தியில் எதிர்பார்ப்பு நிலவி வருகின்றது. இந்நிலையில் லால் சலாம் படத்தில் ரஜினி கிட்டத்தட்ட 40 நிமிடங்கள் வருவார் என தகவல்கள் வருகின்றன.
மும்பை டானாக செம மாஸான கதாபாத்திரத்தில் ரஜினி நடிப்பது அவரது ரசிகர்களுக்கு மட்டுமின்றி ஒட்டுமொத்த ரசிகர்களும் எதிர்பார்த்து காத்துக்கொண்டிருக்கின்றனர்.தற்போது லால் சலாம் படத்தின் அடுத்தகட்ட படப்பிடிப்பு மும்பையில் நடைபெறவுள்ளது.
முதல்கட்ட படப்பிடிப்பை விறுவிறுப்பாக நடத்தி முடித்த ஐஸ்வர்யா அடுத்தகட்ட படப்பிடிப்பை மும்பையில் நடத்த திட்டமிட்டுள்ளார். ரஜினி தொடர்பான காட்சிகள் தற்போது மும்பையில் படமாக்கப்பட்டு வருகின்றன. இந்நிலையில் லால் சலாம் படத்தில் இதுவரை எடுக்கப்பட்ட காட்சிகளை ரஜினி சமீபத்தில் பார்வையிட்டுள்ளார் என்றும், படத்தை பார்த்துவிட்டு ரஜினி ஐஸ்வர்யாவை பாராட்டி தள்ளிவிட்டார் என்றும் ஒரு தகவல் வெளியாகிவுள்ளது.
ரஜினியின் எதிர்பார்ப்பையும் மீறி படம் சிறப்பாக வந்துகொண்டிருப்பதாக செய்திகள் வெளியாகியுள்ளன. இதையடுத்து தற்போது வந்த தகவலின் படி ரஜினி லால் சலாம் படத்தில் நடிப்பதற்காக 25 கோடி சம்பளமாக வாங்கியுள்ளதாக தகவல் வந்துள்ளது.
ஹீரோவாக நடிக்கும் படங்களுக்கு கிட்டத்தட்ட நூறு கோடிவரை சம்பளமாக வாங்கும் ரஜினி இப்படத்தில் சிறப்பு தோற்றத்தில் நடிப்பதற்காக 25 கோடி சம்பளமாக வாங்கியுள்ளதாக தகவல் வந்துள்ளது. ஆனால் இது எந்தளவிற்கு உண்மையான தகவல் என தெரியவில்லை என்பது குறிப்பிடத்தக்கது