தங்கவயல், : இன்று ஓட்டுப்பதிவு செய்ய ஆர்வமாக இருந்த, தங்கவயல் காங்கிரஸ் மூத்த தலைவர் கடிகாஜலம், 97, நேற்று காலமானார்.
நாடு சுதந்திரம் அடைந்து நடந்த முதல் தேர்தல் துவங்கி, 2019 லோக்சபா தேர்தல் வரை ஓட்டளித்து வந்த, காங்கிரஸ் மூத்த தலைவர் கடிகாஜலம், 2023 சட்டசபைத் தேர்தலிலும் ஓட்டளிக்க ஆர்வமாக இருந்தார்.
‘ஓட்டளிப்பது நமது ஜனநாயக கடமை. நம்மை நாமே ஆட்சி நடத்த தானே சுதந்திர போராட்டமே நடந்தது’ என்று கூறியவர்.
அகில இந்திய டேபிள் டென்னிஸ், பேட்மின்டன், கேரம் விளையாட்டு வீரர். கென்னடிஸ் ஸ்போர்ட்ஸ் கிளப் தலைவராகவும் இருந்தவர்.
தங்கவயலில் நடந்த அனைத்து உள் விளையாட்டு போட்டிகளிலும் பல முறை பங்கேற்று பல வெற்றிகளை பெற்றவர். ராமானுஜ சித்தாந்த சபையின் பொறுப்பாளர். சிறந்த வைணவ ஆன்மிகவாதி.
தேசபக்தி மிக்க இவர், காந்தி, காமராஜரின் பக்தர். இறுதி மூச்சு வரை காங்கிரசில் பணியாற்றியவர். கட்சியின் பல்வேறு பதவிகளில் இருந்தவர்.
இவர் வயது முதிர்ச்சியால் உடல் நலம் பாதிக்கப்பட்டு நேற்று காலமானார். இவரது உடலுக்கு சர்வ கட்சியினர், வட்டார பிரமுகர்கள், சமூக ஆர்வலர்கள், விளையாட்டு வீரர்கள் அஞ்சலி செலுத்தினர்.
புதிய செய்திகளுக்கு தினமலர் சேனலை Subscribe செய்யுங்கள்
Advertisement
