இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
அஜித் துணிவு படத்தின் வெற்றியை தொடர்ந்து விடாமுயற்சி என்ற படத்தில் நடிக்க இருக்கின்றார். வலிமை படம் எதிர்பார்த்த வெற்றியை பெறாத நிலையில் கட்டாய வெற்றியை எதிர்பார்த்துக்கொண்டிருந்த அஜித்திற்கு துணிவு திரைப்படம் எதிர்பார்த்த வெற்றியை கொடுத்தது.
கடந்த பொங்கல் பண்டிகையை முன்னிட்டு வெளியான இப்படம் விமர்சன ரீதியாகவும், வசூல் ரீதியாகவும் வெற்றியை பெற்றது. இதையடுத்து அஜித் மகிழ் திருமேனியின் இயக்கத்தில் லைக்காவின் தயாரிப்பில் உருவாகும் விடாமுயற்சி என்ற படத்தில் நடிக்க இருக்கின்றார்.
Suriya: அஜித் வழியை பின்பற்றும் சூர்யா..நெகிழ்ச்சியில் கங்குவா படக்குழுவினர்..!
அனிருத்தின் இசையில் உருவாகும் இப்படத்தின் அதிகாரபூர்வ அறிவிப்பு அஜித்தின் பிறந்தநாளை முன்னிட்டு வெளியிடப்பட்டது. என்னதான் இப்படத்தின் தலைப்பிற்கு கலவையான விமர்சனங்களே வந்தாலும் படம் தரமாக இருக்கும் என்ற நம்பிக்கையில் ரசிகர்கள் இருக்கின்றனர். அதற்கு காரணம் இயக்குனர் மகிழ் திருமேனி தான்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
அவர் இதுவரை இயக்கிய அனைத்து படங்களுமே விமர்சன ரீதியாக வரவேற்பை பெற்ற படங்களாகவே அமைந்தன. எனவே அஜித்திற்கும் ஒரு தரமான படத்தை கொடுப்பார் என ரசிகர்கள் எதிர்பார்த்து இருக்கின்றனர். இந்நிலையில் தற்போது நேபாளத்தில் பைக் சுற்றுலா செய்து வரும் அஜித் அதை முடித்துவிட்டு மே மாதம் இறுதியில் விடாமுயற்சி படப்பிடிப்பில் இணைவார் என எதிர்பார்க்கப்படுகின்றது.
இதைத்தொடர்ந்து விடாமுயற்சியின் திரைப்படம் ஒரே கட்டத்தில் படமாக்கப்பட இருப்பதாகவும் செய்திகள் வருகின்றன. ஏனென்றால் இப்படத்தை முடித்துவிட்டு அஜித் ஒன்றரை ஆண்டுகள் உலகம் முழுக்க பைக்கில் சுற்றுலா செய்யவுள்ளார் என்பதால் விடாமுயற்சி படத்தை விறுவிறுப்பாக விரைவாக முடிக்க திட்டமிட்டுள்ளார்.
எனவே நான்கு மாதத்திற்குள் விடாமுயற்சியின் ஒட்டுமொத்த படப்பிடிப்பையும் முடித்துவிட்டு அடுத்தாண்டு பொங்கல் பண்டிகைக்கு படத்தை வெளியிட படக்குழு திட்டமிட்டுள்ளது. ஆனால் பொங்கல் பண்டிகைக்குள் படத்தை வெளியிடமுடியுமா என்பது சந்தேகம் தான் என ரசிகர்கள் சிலர் பேசி வருகின்றனர்.
மிகப்பெரிய பட்ஜெட்டில் உருவாகும் விடாமுயற்சி படத்தை நான்கே மாதத்திற்குள் முடிப்பது சந்தேகம் தான். எனவே இப்படம் ஏப்ரல் 14 ஆம் தேதி தமிழ் புத்தாண்டை முன்னிட்டு வெளியாகவே அதிக வாய்ப்புகள் இருப்பதாக தகவல்கள் வருகின்றன. என்ன இருந்தாலும் இப்படம் அடுத்தாண்டு ஏப்ரல் மாதத்திற்குள் வெளியாகும் என்பது உறுதியாகிவுள்ளது குறிப்பிடத்தக்கது.