ரஜினி தற்போது கெஸ்ட் ரோலில் நடித்து வரும் படம் ‘லால் சலாம்’. இந்தப்படத்தை அவரது மகள் ஐஸ்வர்யா இயக்குகிறார். இந்தப்படத்தின் போஸ்டர் கடந்த சில தினங்களுக்கு முன்பாக வெளியாகி சோஷியல் மீடியாவில் வைரலானது. இந்நிலையில் ‘லால் சலாம்’ படம் குறித்து வெளியாகியுள்ள தகவல் சோஷியல் மீடியாவில் வைரலாகி வருகிறது.
இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
ரஜினி மகள் ஐஸ்வர்யா திரையுலகில் இயக்குனராக வலம் வருகிறார். ‘3’ படம் மூலம் தமிழ் சினிமாவில் இயக்குனராக அறிமுகமானார். தனுஷ், ஸ்ருதிஹாசன் நடிப்பில் காதல் படமாக ‘3’ ரிலீசானது. இந்தப்படத்தை தொடர்ந்து கெளதம் கார்த்திக் நடிப்பில் ‘வை ராஜா வை’ படத்தை இயக்கினார். இந்தப்படங்களை தொடர்ந்து படம் எதுவும் இயக்காமல் இருந்தார்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்நிலையில் தனது முன்னாள் கணவர் தனுஷை பிரிந்ததை தொடர்ந்து மீண்டும் சினிமாவில் கவனம் செலுத்தி வருகிறார். அண்மையில் ‘முசாபிர்’ என்ற ஆல்பம் பாடலை இயக்கினார். இதனை தொடர்ந்து தற்போது ‘லால் சலாம்’ என்ற படத்தை இயக்கி வருகிறார். லைகா நிறுவனம் தயாரிக்கும் இந்தப்படத்திற்கு இசைப்புயல் ஏ.ஆர். ரஹ்மான் இசையமைக்கிறார்.
விஷ்ணு விஷால், விக்ராந்த் முதன்மை கதாபாத்திரத்தில் நடிக்கும் இந்தப்படத்தில் ரஜினிகாந்த் கெஸ்ட் ரோலில் நடிக்கிறார். இந்நிலையில் இந்தப்படத்தின் ரஜினி கதாபாத்திரத்திற்கான போஸ்டர் நேற்றைய தினம் வெளியானது. மொய்தீன் பாய் என்ற இஸ்லாமியர் கெட்டப்பில் ரஜினி இடம்பெற்றுள்ள போஸ்டரில் ‘சாந்தியும் சமாதானமும் உண்டாவதாக’ என்ற வாசகம் குறிப்பிடப்பட்டிருந்தது.
Manobala: மனோபாலாவிற்காக மகன் பாடிய கடைசி பாட்டு: கலங்க வைக்கும் வீடியோ.!
இந்த போஸ்டர் இணையத்தில் வைரலானதை தொடர்ந்து பலவித நெகட்டிவ் விமர்சனங்களும் குவிந்தன. இந்நிலையில் இந்தப்படம் குறித்து பேசியுள்ள வலைப்பேச்சு பிஸ்மி, ஏற்கனவே கே.எஸ். ரவிக்குமார் இயக்கத்தில் ரஜினி நடிப்பில் ‘ஜக்குபாய்’ என்ற படம் துவங்கவிருந்து கைவிடப்பட்டது. பின்பு அதே பெயரில் சரத்குமார் நடிப்பில் வேறு ஒரு கதையை வைத்து படம் இயக்கினார் கே.எஸ். ரவிக்குமார்.
ஒருவேளை ரஜினி நடிக்கவிருந்த ‘ஜக்குபாய்’ படத்தின் லைனை ‘லால் சலாம்’ படத்தில் ரஜினி கதாபாத்திரத்திற்காக பயன்படுத்தி இருக்கலாம் என தெரிவித்துள்ளார். மேலும் ‘ஜக்குபாய்’ படத்திற்கான ரஜினியின் போஸ்டரும் இணையத்தில் வைரலாகி வருகிறது. ‘லால் சலாம்’ படம் கிரிக்கெட் விளையாட்டை மையப்படுத்தி உருவாகி வருவது குறிப்பிடத்தக்கது.
தீயாய் பரவும் அனிகா சுரேந்திரனின் சர்ச்சையை கிளப்பும் போஸ்டர்: பதறி போன ரசிகர்கள்.!