மே 14ஆம் தேதி சென்னை – கொல்கத்தா மோதும் போட்டிக்கான டிக்கெட் விற்பனை சேப்பாக்கத்தில் மே 12ஆம் தேதி தொடங்குகிறது.
சென்னை போட்டியை காண அனைத்து மைதானங்களிலும் ரசிகர்கள் குவிந்த வண்ணம் உள்ளனர். அதிலும் சென்னை சேப்பாக்கத்தில் போட்டி என்றால் கேட்கவா வேண்டும். டிக்கெட் வாங்க இரவே வந்து காத்திருக்கின்றனர். அப்படித்தான் இதுவரையிலான சென்னை போட்டிக்கு ரசிகர்கள் டிக்கெட் வாங்கி வருகின்றனர்.
இந்நிலையில், மே 14ஆம் தேதி சென்னை – கொல்கத்தா மோதும் போட்டிக்கான டிக்கெட் விற்பனை சேப்பாக்கத்தில் மே 12ஆம் தேதி தொடங்கும் என்று அறிவிக்கப்பட்டுள்ளது. இந்த போட்டி, மே 14ஆம் தேதி இரவு 7.30 மணிக்கு நடக்கிறது.
சேப்பாக்கம் ஸ்டேடியத்தில் உள்ள இரண்டு கவுண்ட்டர்களில் ரூ.1,500-க்கான (சி, டி, இ கீழ்தளம்) டிக்கெட்டுகள் விற்கப்படுகிறது. ரூ.2,000, ரூ.2,500 ஆகிய விலைக்கான டிக்கெட்டுகளை கவுண்ட்டரிலும், PAYTM மற்றும் www.insider.in ஆகிய இணைய தளங்களிலும் ஆன்லைன் மூலம் வாங்கிக் கொள்ளலாம்.
ரூ.3,000, ரூ.5,000 விலைக்குரிய டிக்கெட்டுகள் ஆன்லைன் மூலமே விற்கப்படும். ஒரு நபருக்கு 2 டிக்கெட்டுக்கு மேல் வழங்கப்படாது என தெரிவிக்கப்பட்டுள்ளது. மாற்று திறனாளிகள், தமிழ்நாடு கிரிக்கெட் சங்க அலுவலகத்தில் காலை 10.30 முதல் 11 மணி வரை டிக்கெட்டுகளை பெறலாம்.
newstm.in