3 ஒரு நாள் போட்டிகளில் பங்கேற்க ஆப்கானிஸ்தான் அணி ஜூன் மாதம் இலங்கை வரவுள்ளதாக இலங்கை கிரிக்கெட் சபை அறிக்கை வெளியிட்டுள்ளது.
ஜூன் 2 ஆம் திகதி ஆரம்பமாகவுள்ள இந்த ஒரு நாள் போட்டியில் கலந்து கொள்வதற்காக ஆப்கானிஸ்தான் கிரிக்கெட் அணி மே 29 ஆம் திகதி இலங்கை வரவுள்ளது.
இவ்வாணிகளுக்கிடையிலான போட்டிகள் அனைத்தும் ஹம்பாந்தோட்டை மஹிந்த ராஜபக்ஷ மைதானத்தில் நடைபெறவுள்ளது. முதலாவது போட்டி ஜூன் 2 ஆம் திகதியும், இரண்டாவது நாள் போட்டி ஜூன் 04 ஆம் திகதியும், மூன்றாவது போட்டி ஜூன் 07 ஆம் திகதியும் நடைபெறவுள்ளது.
உலகக் கிண்ண கிரிக்கெட் போட்டிக்கு தகுதி பெற ஜிம்பாப்வேயில் நடைபெறும் உலகக் கிண்ண தகுதிச் சுற்றில் பங்கேற்பதற்கு முன்பு இலங்கை அணி ஆப்கானிஸ்தானுக்கு எதிரான ஒருநாள் போட்டித் தொடரில் விளையாடவுள்ளது.