தீராக் காதல் டிரைலர் வெளியீடு!
ரோகின் இயக்கத்தில் நடிகர் ஜெய், நடிகை ஜஸ்வர்யா ராஜேஷ் இணைந்து நடித்திருக்கும் படம் 'தீராக் காதல்'. முக்கிய கதாபாத்திரத்தில் ஷிவதா நடித்துள்ளனர். லைகா நிறுவனம் தயாரிக்கும் இப்படத்திற்கு சித்து குமார் இசையமைக்கிறார். சமீபத்தில் இந்த படத்தின் பர்ஸ்ட் லுக் போஸ்டர் மற்றும் முதல் பாடல் வெளிவந்து நல்ல வரவேற்பைப் பெற்றது. இந்த நிலையில், இப்படத்தின் டிரைலர் இன்று மாலை 6 மணிக்கு வெளியானது. இதை நடிகர் ஜெயம் ரவி வெளியிட்டார். படத்தின் தலைப்பை போல் இது தீராக் காதலாக தான் கதை நகரும் என டிரைலரை பார்க்கும்போதே புரிகிறது. மனைவி, குழந்தைகளுடன் வாழும் ஜெய் தனது முன்னாள் காதலி ஐஸ்வர்யாவை சந்திக்கிறார். அதன்பின் இவர்கள் வாழ்வில் நடக்கும் நிகழ்வுகள் தான் கதை. இதுவரை நடித்திராத ஒரு வேடத்தில் ஜெய் நடித்துள்ளார்.