ஆந்திராவில் இருந்து கடத்தி வரப்பட்ட 2,000 கிலோ கஞ்சாவை மதுரை அருகே காவல்துறையினர் பறிமுதல் செய்தனர்.
போலீஸார் வாகன சோதனையில் ஈடுபட்டிருந்த போது, கார் ஒன்றை நிறுத்தி சோதனை செய்தனர். அந்த காரில் கஞ்சா இருப்பது தெரிய வந்ததது. கஞ்சாவை கைப்பற்றி கார் ஓட்டுநரிடம் தீவிர விசாரணை நடத்தினர்.
அப்போது அவர், தூத்துக்குடி மாவட்டம் சாத்தான்குளத்தில் ராஜா என்பவரின் தோட்டத்தில் கஞ்சா பதுக்கி வைத்திருப்பதாகவும், அதிலிருந்து 40 கிலோவை மதுரைக்கு எடுத்து வந்ததாகவும் தெரிவித்தார்.
இதையடுத்து போலீஸார் சாத்தான்குளம் சென்று மூட்டைகளில் இருந்த 2000 கிலோ கஞ்சாவை பறிமுதல் செய்தனர். மேலும், இதுதொடர்பாக சுகுமாறன், ராஜா, சுடலைமணி, மகேஸ்குமார், முத்துராஜ் ஆகியோரை கைது செய்தனர்.
இவர்கள் மதுரையை சேர்ந்த ஜெயக்குமார் என்பவர் மூலமாக ஆந்திர மாநிலம் ராஜமுந்திரியில் இருந்து கஞ்சா வாங்கி வந்து , தூத்துக்குடி பகுதிகளில் விற்பனை செய்து வருவது தெரியவந்தது.
மேலும் கஞ்சாவை இலங்கைக்கு கடத்த இருந்ததாகவும் தெரிவித்தனர். இவ்வழக்கில் தலைமறைவாக உள்ள ஜெயக்குமார் மற்றும் ஆரோன் ஆகியோரை போலீஸார் தீவிரமாக தேடி வருகின்றனர்.
newstm.in