கமல்
நடிப்பில் மிக நீண்ட எதிர்பார்ப்பிற்கு மத்தியில் உருவாகி வரும் படம் ‘இந்தியன் 2’. பல பிரச்சனைகளை சமாளித்து இதன் படப்பிடிப்பு தற்போது விறுவிறுப்பாக நடந்து வருகிறது. கமல், ஷங்கர் கூட்டணியில் பிரம்மாண்டமாக உருவாகி வருகிறது இந்தப்படம். இந்நிலையில் ‘இந்தியன் 2’ படம் குறித்து ஷங்கர் ட்விட்டரில் பகிர்ந்துள்ள பதிவு இணையத்தில் வைரலாகி வருகிறது.
இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
கடந்த சில வருடங்களாகவே ‘இந்தியன் 2’ படப்பிடிப்பு நடந்து வருகிறது. கடந்த 2020 ஆம் ஆண்டு பிப்ரவரி மாதம் இதன் படப்பிடிப்பு நடந்த சமயத்தில் அங்கிருந்த கிரேன் எதிர்பாரா விதமாக விழுந்து 3 தொழிலாளர்கள் உயிரிழந்தனர். இதனால் திரையுலகில் பெரும் பரபரப்பு ஏற்பட்டது. விபத்து, கொரோனா, ஊரடங்கு போன்ற காரணங்களால் ‘இந்தியன் 2’ படப்பிடிப்பு தடைப்பட்டது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இதனால் ஷங்கர் தனது அடுத்தடுத்த படங்கள் குறித்த அறிவிப்பை வெளியிட்டார். தெலுங்கில் ராம்சரண் நடிப்பில் ஒரு படத்தை துவங்கினார். கமலும் தனது அடுத்ததடுத்த படங்களில் கவனம் செலுத்த ஆரம்பித்தார். இதனிடையில் ‘இந்தியன் 2’ படம் தொடர்பான அனைத்து பிரச்சனைகளும் பேசி தீர்க்கப்பட்டது.
இதனையடுத்து ‘இந்தியன் 2’ படப்பிடிப்பு மீண்டும் துவங்கப்பட்டு விறுவிறுப்பாக நடந்து வருகிறது. லைகா மற்றும் ரெட் ஜெயன்ட் மூவிஸ் நிறுவனங்கள் இணைந்து இந்தப்படத்தை தயாரித்து வருகின்றனர். ‘இந்தியன் 2’ படப்பிடிப்புக்கு நடுவில் ராம் சரணின் ‘கேம் சேஞ்சர்’ படத்தையும் இயக்கி வந்தார் ஷங்கர். இந்த இரண்டு படங்களின் வேலைகளையும் ஒரே நேரத்தில் கவனித்து வந்தார் ஷங்கர்.
Sai Pallavi: படங்களில் கிளாமர் உடைகளுக்கு நோ சொல்வது ஏன்.?: சாய் பல்லவி கூறிய காரணம்.!
இந்நிலையில் தனது ட்விட்டர் பக்கத்தில் ‘கேம் சேஞ்சர்’ படப்பிடிப்பு முழுவதுமாக நிறைவடைந்துவிட்டதாக தனது ட்விட்டர் பக்கத்தில் புகைப்படத்துடன் பதிவிட்டுள்ளார் ஷங்கர். மேலும், அடுத்ததாக ‘இந்தியன் 2’ படத்தின் மீது கவனம் செலுத்தவுள்ளதாகவும் தெரிவித்துள்ளார். அவரின் இந்த பதிவால் ரசிகர்கள் மத்தியில் எக்கச்சக்க எதிர்பார்ப்பு ஏற்பட்டுள்ளது.
‘இந்தியன் 2’ படத்தில் கமலுடன் காஜல் அகர்வால், ப்ரியா பவானி சங்கர், சமுத்திரக்கனி, சித்தார்த்த், ரகுல் பரீத் சிங், குல்சான் குரோவர், அகிநேதிரா மிஸ்ரா, ஆடுகளம் கிஷோர், கல்யாணி உள்ளிட்ட பலர் நடித்து வருகின்றனர். அனிருத் இசையமைக்கிறார். ‘விக்ரம்’ படத்தின் பிரம்மாண்ட வெற்றியை தொடர்ந்து கமல் ‘இந்தியன் 2’ படத்தில் நடித்து வருவது குறிப்பிடத்தக்கது.
Dhanush: போடு வெடிய.. ‘கேப்டன் மில்லர்’ படத்தின் வெறித்தனமான அப்டேட்: எகிறும் எதிர்பார்ப்பு.!