சூர்யா நடிப்பில் மிகப்பெரிய எதிர்பார்ப்பிற்கு மத்தியில் தற்போது உருவாகி வரும் படம் ‘கங்குவா’. தொடர்ச்சியாக பேமிலி ஜானர் படங்களை இயக்கி வந்த சிறுத்தை சிவா, இந்தப்படத்தில் பேண்டஸி கதைக்களத்தை கையில் எடுத்துள்ளார். மிகப்பெரிய பட்ஜெட்டில் பிரம்மாண்டமாக ‘கங்குவா’ படம் உருவாகி வருகிறது.
இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
அஜித்தை வைத்து தொடர்ச்சியாக வீரம், வேதாளம், விவேகம் என ஹாட்ரிக் வெற்றி படங்களை கொடுத்தவர் சிவா. இவர் இயக்கத்தில் கடைசியாக ‘அண்ணாத்த’ படம் வெளியானது. ரஜினி நடிப்பில் பேமிலி ஜானர் கதையம்சத்துடன் மிகப்பெரிய எதிர்பார்ப்புக்கு மத்தியில் இந்தப்படம் ரிலீசானது. விமர்சனரீதியாக ‘அண்ணாத்த’ படம் ஒருசில சறுக்கலை சந்தித்தாலும் வசூலில் இந்தப்படம் வரவேற்பை பெற்றது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இதனை தொடர்ந்து தற்போது ‘கங்குவா’ படத்தை இயக்கி வருகிறார் சிறுத்தை சிவா. பாலா இயக்கத்தில் உருவான ‘வணங்கான்’ படத்திலிருந்து விலகியதை தொடர்ந்து ‘கங்குவா’ படத்தில் மும்முரமாக நடித்து வருகிறார் சூர்யா. கடந்தாண்டு ‘சூர்யா 42’ என்ற பெயரில் பூஜையுடன் இதன் படப்பிடிப்பு அமோகமாக துவங்கியது.
சூர்யாவின் கெரியரில் இதுவரை இல்லாத அளவிற்கு மிகப்பெரிய பட்ஜெட்டில் இந்தப்படம் உருவாகி வருகிறது. படப்பிடிப்பில் இருக்கும் போதே இந்தப்படத்தின் ஆடியோ, சேட்டிலைட் மற்றும் டிஜிட்டல் உரிமை மிகபெரிய தொகைக்கு விற்று திறந்துள்ளதாக கூறப்படுகிறது. அத்துடன் இந்தப்படம் சுமார் பத்துக்கும் மேற்பட்ட மொழிகளில் உருவாகி வருகிறது.
Good Night Review: ‘குட் நைட்’ படம் தரும் அனுபவம் இருக்கு..?: முழு விமர்சனம் இதோ.!
அண்மையில் இந்தப்படத்தின் ‘கங்குவா’ என்ற டைட்டில் மோஷன் போஸ்டருடன் மாஸாக வெளியானது. இந்த அப்டேட் ரசிகர்கள் மத்தியில் எக்கச்சக்க எதிர்பார்ப்பினை கிளப்பியுள்ளது. இந்நிலையில் இந்தப்படத்திற்காக வெறித்தனமாக தயாராகி வருகிறார் சூர்யா. ‘கங்குவா’ படத்திற்காக உடல் எடையை அதிகரித்து மாஸ் லுக்கிற்கு மாறியுள்ளார். ஜிம்மில் சூர்யா வொர்க் அவுட் செய்யும் புகைப்படம் இணையத்தில் வெளியாகி மிகப்பெரிய எதிர்பார்ப்பை கிளப்பியுள்ளது.
இந்தப்படத்தின் பிளாஷ்பேக் சரித்திர காட்சிகளுக்காக சூர்யா இவ்வாறு ரெடியாகி வருவதாக கூறப்படுகிறது. ஸ்டுடியோ கிரீன் பிரம்மாண்டமாக தயாரித்து வரும் ‘கங்குவா’ படத்திற்கு ஜிவி பிரகாஷ் குமார் இசையமைக்கிறார். மேலும் இந்தப்படத்தில் சூர்யாவிற்கு ஜோடியாக பிரபல பாலிவுட் நடிகை திஷா பதானி நடித்து வருவது குறிப்பிடத்தக்கது.
Raavana Kottam: இராவண கோட்டம் பட சர்ச்சை.. ஜெயிலுக்கு போகவும் ரெடி: சாந்தனு அதிரடி.!